كوبا من الشاي ... ما أجمل الهدوء عندما يعم المكان ...!
**********************************************
* محاولتك التفاهم مع أمرأة تبكي .. أشبه شئ بمحاولتك تقليب أوراق الصحيفة أثناء عاصفة ..!
* المرأة عندما تطلب النصيحة . فأنها تريدك أن توفقها على رأيها ...!
* المرأة كالشعلة إذا عرف الرجل كيف يمسكها أضاءت طريقه، وإذا أخطأ فى مسكها حرقت يديه ..!
* أذا أحبت المرأة ضحت بنفسها .. من أجل قلبها ... وأذا كرهت ضحت بغيرها ..!
***********************************************
أقلب صفحات جواز السفر .. تفاجأت إن جوازي منتهي
... قلت أجل فرصه أروح أجدده بالجوازات . ورحت وقبل ما أدخل تذكرت أنهم يحتاجون صورتين شمسيه .. رحت للأستوديو . وقلت للعامل أبيك تصورني .. صورني وقلت له ورني صورتي .. قلت له لا ما جازت لي .. صورني مره ثانيه .. وصورني مره ثالثه . والصورة الثالثة هي اللي جازت لي نوعا ما ... ( طبعا أغلب الناس تلاقيه أذا صوره احد قليل تعجبه صورته .. الا بشرط واحد ... وهو أنه أذا صوره أحد وهو ما يدري أو أذا صوره بصوره عفويه .. تلاقي يعجب بصورته .. عكس أذا كان الواحد يدري أنه فيه احد يصوره . تلاقيه يتصنع بشكله أو بحركاته ) . 
رحت للصرافة وسددت مبلغ التجديد ( 150 ) ريال . وأنا داخل للجوازات . أقول بيني وبين نفسي شكلهم يبي يجددون جوازي عالطول .. لأنه ما فيه زحمه .. قدمت للموظف أوراق التجديد .. وطلب مني أصل بطاقتي .. وقالي : ليه صورتك بالبطاقة مو واضحه ... قلت له : لانها أنمسحت من كثر ما أحطها وأطلعها بمحفظتي ... قالي ما راح تمشي معاملتك 
.. قلت وش الحل .. قالي أدخل لمدير القسم وعلمه .. دخلت لمدير القسم ( طبعا هو شخص معروف عنه أنه محترم جدا ) .. دخلت لمه وشرحت له وضعي .. قالي لا يمكن أن تمشي معاملتك لمين تغير بطاقة الأحوال حقتك .. ( طبعا بطاقتي من الشكل الجديد لكن الصورة منمسحه أشوي ) ... حاولت أنه يسمح لي .. لكن رفض ... عاد أنا يومي سنه 
.. قلت شكلي أبروح بكرا للاحوال المدنية .. عاد قلت أروح اللحين أحسن لي .. دخلت للأحوال وقدمت معاملتي علشان يغيرون بطاقتي .. وحولوني الموظف لقسم التصوير علشان يصورونني .. وفجأة اتصل صديقي وقلت له أني بالأحوال أبغير بطاقتي لأن صورتي بالبطاقة مو واضحه . قال لي : الله يعينك .... قلت ليه : قال راح تنطق أسبوعين .. لأنها ما راح تجيك بطاقتك إلا بعد أسبوعين .. لأنه هذا نظامهم .. قلت له : طيب أنا بطاقتي من الشكل الجديد .. قال لي أيه أنت بطاقتي من الشكل الجديد لكن من الشكل الجديد الملونة ... واللحين مغيرين أشكال البطاقات وصايره لونها ( أسود وابيض ) ... طبعا أنا طيرت عيوني 
.. قلت يعني أنا راح أصبر أسبوعين لمين تطلع بطاقتي ... رحت أنا لم موظف الاستقبال . وقلت له متى تخلص معاملتي ... قال لي : اليوم راح تخلص .. أنا فرحت لما قالي كذا ... واتصلت على صديقي وأخبرته أن بطاقتي تخلص اليوم ومو بعد أسبوعين مثل ما قلت ... قالي : غريبه ..
أخذت رقم وانتظرت الدور .. وصاير المراجعين اللي قدامي كثيرين .. ياشين كذا .. أنا من النوع اللي ما أحب أنتظر الدور 
.. أحب يجي دوري بسرعه ههه 
... قلت أروح اطلع واجيهم بعد ساعة يمكن يصير جاء الدور حقي ..
بعد ساعه رحت ولقيت الدور حقي جاء .. وتم تصويري . وسألت موظف الاحوال المدنية . وقلت له متى تطلع بطاقتي .. قالي : بعد أسبوعين .. أنا طارت عيوني 
.. قلت ليه .. قال لان البطاقة تجي من الرياض مو من عندنا .. صار يوم يقولي موظف الاستقبال أن المعاملة تخلص بنفس اليوم . هو صار يقصد أن التصوير يخلص بنفس اليوم ههه 
( وش السوات ) ... قلت بيني وبين نفسي أروح للجوازات . وأبقولهم أن بطاقتي ما راح تطلع إلا بعد أسبوعين . أغديهم يوافقوا ويجددو جوازي .. ورحت ودخلت على مدير القسم . وقلت له أن بطاقتي ما راح تطلع الا بعد أسبوعين وأغديك تمشيني 
.. قالي : لا يمكن .. قلت له :: طيب هذي رخصة القيادة الأصل فيها صورتي .. وصورتي اللي بالرخصة .. هي نفس الصورة اللي في بطاقتي ... قالي ::: لا يمكن أني امشي معاملة تجديد جوازك .. طبعا هو مقتنع أنه أنا صاحب البطاقة وصاحب الجواز ... لكن هو ماشي بأجراء روتين النظام ... عاد أنا أقول بيني وبين نفسي .. لو جاء أخوه أو جاء أحد أصدقاءه وصارت صورته بالبطاقة مو واضحه .. تتوقعون أنه راح يرفض معاملة تجديد جوازه .. أو راح يمشيه ...! 
طبعا ..... ما يحتاج أقول أيش راح يعمل ...! لأنه طبيعي أي شخص ما راح يرفض معاملة أخوه أو صديقه .. خاصة إذا كان الشخص تخطى الروتين ... لكن أنا عاذرهم يوم يرفضون تجديد الجواز 
لأن فيه شئ أسمه ( روتين ) وفيه شئ أسمه ( نظام ) .... !
الروتين في الدوائر الحكومية : مثل أنه تقدم معامله ويطلب منك أشياء روتينيه غير مهمه .. أو يقول لك مثلا أن معاملتك تخلص بكرا .. بحسب الروتين اللي هم ماشين عليه .. أو مثلا يرفض معاملتك بسبب شئ بسيط .. مع العلم أنه بإمكانه أن ما يرفض هذا الشئ إذا كان متأكد من صحة هذه المعاملة من ناحية أكتمالها ...
وفيه شئ اسمه ( نظام ) بالدوائر الحكومية : أنا أؤيد اللي يمشئ بالنظام بالدوائر الحكومية .. لكن بشرط .. وهو أنه ما يمشي الموظف النظام على اللغير ولا يمشيه على الناس اللي يعرفهم .. أنا عن نفسي يعجبني اللي يخلص بعمله ويمشي النظام على الجميع ...!
**********************************************
فيه شئ ملاحظه أنا :
وهو أنه كثير من الناس يطلبون ويطالبون أنهم يتوظفوا بوظيفة حكومية ,,, تلاقيه مثلا معه شهادة جامعية أو شهادة الثانوية .. وتلاقيهم لسه ما جاهم نصيبهم للوظيفة . ولو قيل لهم ليش ما تتوظفوا بشركة أو بمؤسسة . تلاقيهم يقولون أن رواتبهم غير كافيه . أو تلاقيهم يقولون أنهم يكرفوننا كرف ... طبعا هم معذورين ... لكن الشئ اللي أبقوله : هل أذا توظفوا بوظيفة حكومية ... هل سيخلصون بعملهم . أو .. لا ... طبعا اللي أنا ملاحظه هو أن الأغلبية غير مخلصين بوظائفهم .. تلاقي بعضهم . يصير دوامه يبدأ من الساعة ( 8 ) صباحا وينتهي الساعة ( 2 ) ظهرا . وتلاقيه ما يجي لدوامه الا من الساعة ( 8 ونص ) وفوق .. وتلاقيه يطلع قبل نهاية دوامه .. أو تلاقي بعضهم كثير الاستئذان .. أو تلاقي بعضهم يقرأ الجريدة أو يتصفح بالنت . وإذا جاء أحد المراجعين يحاول أنه ما يخلص معاملته . بنفس الوقت . تلاقيه يقول له تعال بكرا وتلاقي معاملتك مخلصه . مع العلم أنه يقدر يخلصها بنفس الوقت وبدقائق معدوده ... وتلاقي بعضهم يطلع من مكتبه ويروح لأحد الأقسام الأخرى يروح يسولف مع أحد بأحد الأقسام الأخرى .. وإذا جاء أحد المراجعين يتفاجأ أن الموظف غير موجود بمكتبه ..
سؤالي هنا : هل راتب اللغير مخلص بعمله هل راتبه حلال أو لا .. طبعا لا لا غير حلال .. لأن الوظيفة أمانه تحتاج من الموظف أن يؤدي وظيفته بأكمل وجه ومن دون تقصير بعمله ..
طبعا البعض يتذمر من راتبه .. تلاقي راتبه فوق ( 7000 ) ألاف ريال وإذا جاء أخر الشهر تلاقيه ما معه ولا ريال .. وإذا بحثنا عن السبب تلاقيه مقصر بعمله ..!
فيه أحد الأشخاص ذهب لمتابعت معاملته في أحدى الدوائر الحكومية .. ولما أراد الدخول الى المدير . قال له السكرتير أن المدير غير موجود . وما داوم اليوم لأنه عنده اجازه مرضية . يقول طلعت وكان بنفس اليوم الأجواء فيها غيوم وفيه أمطار وخيرات . ويقول طلعت للبر . وبالصدفة مريت من عند ناس كاشتين .. وبالصدفة وأنا أمر من عندهم لقيت المدير اللي أخذ أجازه مرضية لقيته طالع وكاشت مع أهله .. أخذن أهله وكاشت فيهم هههه .. يقول أنا أنقهرت وقلت بيني وبين نفسي . وين اللي أخذن أجازه مرضية .. لاعب على دوامه وقايل لهم أني عندي أجازه مرضية .. ههه ..!
نصيحة مني للجميع :: إذا أراد الشخص أن الله يبارك له براتب وظيفته .. فعليه أن يخلص بعمله وأن يأتي للدوام من غير ما يتأخر ...! حتى يبارك الله في راتبك ...!
**********************************************
***********************************************
قمة الإحباط .. جالس اكتب وكتبت كلام كثير .. وفجأة أنمسح كلامي كله ههه .. ما أدري أيش اللي أمسحه .. مع أني ما سويت مسح . القهر أني يوم قربت أخلص أنمسح .. وأضطريت بعدها أكتب من جديد لكن بكلام أقل من السابق 
..!
الحالة هذي .. شبهتها بشئ ...!
مثل الإنسان اللي تلاقيه يعمل شئ بحياته .. ثم بعد عدة سنين يكون كل الأشياء اللي عملها ما تسوا شئ .. أو يصير ما استفاد من الأشياء اللي عملها في السنين السابقة ... ويكون بذلك خسر كل شئ ...!
***********************************************
* حرية الفرد لا تكمن في أنه يستطيع أن يفعل ما يريد، بل في أنه لا يجب عليه أن يفعل ما لا يريد ..!
* لا تبك عندما تغيب الشمس .. لأن الدموع سوف تمنعك من روؤية النجوم ..!
********************************************
سيدتي ...!
أقرأيني لتحسي داااائما بالكبرياء
أقرأيني دائما كلما فتشت في الصحراء عن قطرة ماء ..
أقرأيني دااائما كلما سدو على العشاق ابواب الرجاء ..
أقرأيني دااائما كلما نظرت الى عينيك الساحرتين ..
أقرأيني دااائما في غيابي .. وفي حضوري ..
أنا لا أكتب حزن أمرأة واحدة ..
أنني اكتب تاريخ النساء ..
فأنتي تختصرين جميع النساء ...!