قالت أنا والا ( الهلال) في حياتك
قلت (الهلال) واحد ‘ وغيرك ملايين
قالت والعاقل يسوي سواتك
يختار نادي عن حياته مع الزين
قلت اسمحيلي لاتسبه شفاتك
محد بحضورك سب منهو تحبين
قالت ابعرف كيف مأخذ غلاتك
ماشفت ناس بحب نادي مجانين
قلت (الهلال) لو تعشقينه بذاتك
حضنتي ألوانه قبل ماتنامين
قالت قبل حبه يسبب وفاتك
مايحزن إلا امك ويفرح عدوين
قلت أسمعيني وفريها وصاتك
(الهلال) قصة غرامي من سنين
قالت أنا برحل وافارق قساتك
بفارق الديره ولا أدري على وين
يمكن ليّا غبت اصير بـ ذكرياتك
على الأقل شكلي معك داخل العين
قلت الصراحه مانبيها وجاتك
ترى (الهلال) أولى ولـو ماتردين