لحظه وطن..! مادامك اليوم مهجور
...... بآمني المنفى ....\ و أنفي الأماني...!
طاحت من اكتاف التعب [ اربع شهور ]
...... وصاحت من اتعاب الكتوف .. \ الثواني..!
وصار الحزن[ شباك ]..والصمت ديكور
...... وبكاي .. [ ترتيلة مطر ] .. للمواني..!
والدمع شمع.. ومعظم احيان [ بلور ]
.......يتمرجح اهدابي.... \ ليا من بكاني..!
كل ماأغني يختنق [ صوت عصفور ]
...... وكل ماسكت .. تموت فيني [أغاني ] ..!
وكل مامكاني يجفي [ اصابع النور ]
...... أشعل اصابيعي .. و أجفى مكاني..!
ومن كثر مانا [ طاغية ].. حس وشعور
...... مابي هلي يدرون ... اني أعاني..
أطلع ابروز [ ضيقتي ] فآخر السور
..... إيلين تبكيني ...\ السكك والمباني..!
وارجع و ألقى ياوطن.. ضيق منثور
..... إسمع... \ ولا تنثر دموعك .. عشاني..!
طفلتك ماتملك سوى..[ حلم محصور ]
.... و[ شوية العاب ] ... \ وحكايا مواني ..!
تحضر غياب وتلتحف..:غيبة حضور
..... ينسونها ...\ وتقول: محد نساني..!
تحلم.. وتخنق حلمها .. [ وحشة الدور ]
...... والمدرسه....وهواش [ أبله تهاني ] ..!
وعلى كثر مابلل اطرافها ... [ النور ]
..... تفرد أصابعها .. \و [ تطفى ] معاني ..!
وعلى كثر ماتترك الصبح [ ممطور ]
..... تذبل ... لأن الصبح دايم .. [ أناني ] ..!
مامات من [ برد الصباحات ] .. عصفور
..... بس هي [ماتت] .. من كثر ماتعاني ..!