يقولون العرب صورة البنية تذبح الرجال
وانا اقول البلا بالصوت ألا يالعن ابو حيّة
ترى قولة أآلو منها تسوي داخلي زلزال
خصوصا لا طلعت قولة "آآلو" من سعوديه
اذوب ان قالت: عساك بخير كيف الحال؟
واضيّـع اسم جداني ،، اليا قالت: شماليه
حلاها شي مو عادي وميزتها وسيعـة بال
هواها يذبح العاشق ..وفيها الشمس والفيه
واذا قالت انا من نجد .. صدقوني يجيني هبال
وانا أدري ان الحلا نجدي وساس الزين نجدية
ابثني خطوتي للزين.. وبطوي في لقاه أميال
وينبض قلبي بسرعة ،، ليا قالت حجازيـة
خفيف دمها سكر عليها من الوصوف اشكال
تحير من يوصفها ... لأنها غير عاديـه
واقوم ألعب على طروق الشعر وآجر موال
على ألحان الجنوب .. أن قالت بنية جنوبية
رقيقة كنها النسمه.. جمال وحسن عال العال
وهي اصل الشقا والطب ... لقلوب الشقاوية
وأجوب الساحل الشرقي واغني للبحر يامال
وأردد ياهوى بالي .. اذا قالت لي أنا شرقية
دلعها غير عن كل البنات .. وتشهد الأمثال
وتكتبتهـا القصائد .. ثم تغنيها الغنّاويـة
وانا لمن سئلتوني؟ ترى عشقي ثرى ورمال
واموت واحياء على عشقي واحب السعودية