اهلين //// أنا نورة الحربي طالبة في كلية الاقتصاد وأكتب لكم في إيميل قريبتي ( اكتشاااف ) بعد أن اخبرتني عن الموضوع الذي يخصنا نحن الطالبات المظلومات في كلية الاقتصاد
اولا : شكراً لك اختي بنت الخليج على هذا المقال , والذي اوافقك على كل ما كتبتي واليكم بعض المأسي :
كنت اعتقد ان لشؤون الطالبات دور فعال وايجابي في حل المشاكل التي تواجه الطالبات في الكلية وتسيهل مهام الحصول على المذكرات وطباعتها والمراجع , وارشادهن بالتوجيه السليم عند مخالفتهن التعليمات ,ووووو
ولكن اتضح ان اهتمامهن ينحصر في الاتي :
1// شغل قسم شؤون الطالبات هو تسجيل مخالفات الطالبات بالزي المحدد باللون من قبلهم , وليس تسجيل المخالفات الشرعية بالزي لدى أغلب الطالبات. حيث اشتهرت بعض طالبات الكلية بالتفنن بالملابس الشفافة والقصيرة والمزكرشة والصرعات في الشعر والدناديش وكأنها ذاهبة لزواج . وتصدقون انهم مايكتبون أي مخالفة على البنت اللي تلبس هذه إذا كان لونها اسود أو ابيض . أما اللي لابسة ملابس محتشمة وساترة بس لونها اسود اشهابي أو غيره من الالوان الهادئة تشوفهن على طول يسجلون عليها مخالفة , وننقهر لما نشوف زميلتنا عليها تنورة ميدي قصيرة سوداء تمر قدامهن ولا يقولون لها شيء المهم عندهن انها سوداء .
واذا تكلمنا عن اخلاقهن والله عدم .. وقلة احترام .. وتكبر .. ولا يمكن افكر ادخل عليهن لحل أي مشكلة تواجهني .
2// لا يفتشون على الجوالات الكاميرا والتي اصبحت منتشرة بين الطالبات والله نخاف ان نصور ونود ان نلبس نقاب بداخل الكلية خوفا على انفسنا من ضعيفات النفوس , مادام مسؤلات الكلية ما خافوا علينا ولا فتشوا بس جيدين يمسكون البنات الضعوف اللي معهن جوال بدون كاميرا .
3// ننتقل للدكتورات المصريات اللي والله متحكمات ومسطرات فينا نحن السعوديات وطلباتهن اللي ماتنتهي وباسعار باهظة وياليت نحصلها ببريدة . يعتقدن كل سعودية غنية ويالله على كثرة الطلبات اللي نستحي من اخوتنا وابائنا وحنا نمشورهم على المكاتب والمحلات لاحضار الطلبات اللي بمقاييس وشروط معينة .
4// والعميدة المصرية تراها حبيبة بس ماتدري وين الله حاطة ودورها سلبي جدا في تعديل الاوضاع .
5// لدي الكثير ولكن لاني اكتب في جهاز قريبتي وسنغادرهم الان سأكتفي بماذكرت .وربما اكتب لاحقا .
كلمة لمن خالفنا الرأي في سلبيات الكلية : اقول لكم هذا رأيكم وهذا رأينا وليس إذا اختلفنا تشاحنا وتباغضنا وفند كل واحد منا رأي الاخر . والله ماكتبت هذا إلا حبا لتغيير الاوضاع للاحسن وليس اساءة لاشخاص بعينهم