الحين انتم تحسبون ان سواقة الحريم ممنوعة؟
تراهن يسوقن بس بغير المدن الكبيرة
والرفض علشان الزحمات المرورية فقط
مهيب المشكلة بالسواقة المشكلة ان اللى يبين يسوقن ماراح يستغنن عن السواق
اجل وحدة دكتورة تقول لين بغيت اروح للسوق خليت السواق يودين علشان ما ابلش بمكان السيارة وهي من المطالبات بالقيادة خخخ
سالفة بسيطة حصلت معي
اذكر وحده من بناتنا براسه هالسواقة وكنا بمزرعة كبيرة والكل شب عليه وش هالفكر ووش هالتفكير ؟
سكتت على كره وغير اقتناع والفتت لي تبين افزع لها خخخ ( حنون اخيل ماشاء الله عليه)
فكرة بفكره اغير هالقناعة اللى براسها واخليها بالامر الواقع فطرا على بالي فكرة اخيليلة قيصرية خخخخ >>> صارت ظناية خخخ
قلت لها مشينا وسط استنقاد من عيونهم التي كادت ان تقتلني !
ركبنا وخليتها تسوق وهي فرحانة ان كلامها تممته على الجميع ووجهتها الى طرف المزرعة كانت على طرف شعيب وجروف فتركتها على راحتها لين طحنا ببطن الشعيب وغرزت خخخخ
قالت تعال وخره عن هالمكان بعد مابلشت بعمرها وتوهقت !!
عاد بدت التمثيلية مني عليها !!!!!!
نزلت وقلت لها الدبل خربان بروح اجيب سيارة فلان تسحبنا وسويت نفسي متضايق وانتي خليك هنا وانتبهي من الديبان والكلاب (تخويف ) لاتنزلين من السيارة انتبهي لاتقرصين والا يجيك كلب تراهن واجد بهالمكان !!
والمسافة بعيدة شوي والوقت بدا يظلم
قالت رجلي على رجلك والله ماتتركن لحالي !!
قلت بكيفك بترجعين معي رجليه والمسافة بعيدة ارجعي بس بنص الطريق ترا اذا جاء كلب ابهج واتركك ..
فهت الضعيفة وانهبلت وخافت وضاق صدره وقالت لاعادت على هالسواقة
قلت لها هذي السواقة تراه
اي موقف شديد بيصير عليك وانتي تسوقين حيكون موقفك نفس الموقف
سكتت فتره وفهت وبدت تبلع ريقة هالضعيفة وتأفف وجته الصيحة ههههه...
بعدين لطفت الجو وقلت له الحين السواقه زينه والا شينه؟!!!!
قالت اشين منك طلع السيارة اقول ههههه
طلعتها لها ورجعت هي بالسيارة لكن رجعت بفكر جديد يحارب هالقيادة اللى ليست للانثى !!
بالدول التي تسمح بقيادة المرءة من الخليج مايسوق من الحريم الا قلة
وكل مالها بتناقص مستمر
احرص دائما اني اسأل سائق التاكسي لما اركب معاه في اي دولة اقوم بزيرتها من الدول التي تسمح بقيادة المرأة سواء عربية او اجنبية عن قيادة المرأة في بلاده
الكل اجمع على ان المرءة طبيعتها تخالف القيادة
وللعلم بعضهم غير مسلمين بالذات في اوربا وامريكا
اللى مشغلتهم بنتهم تبي تسوق يسوي نفس موقفي وبتتغير نظرة هالبنت من مؤيدة الى محاربة للقيادة
مشكلة من يطالب من البنات بالقيادة انها تنظر للجانب الزين
تمر خويتها ويروحون للمول يتسوقون فقط مايجي ببالها الامور الثانية لاقدر الله