( أروح أو ما أروح ... وبالأخير ما أنكتب لي أني أروح )
قبل شهرين ونص .. جاء في بالي أني أسافر أنا وصديقي إلى ( الهند ) .. عرضنا الفكرة على بعضنا وكلنا وافقنا .. وأبتديت أنا وهو أذا شفنا بعض . نحاول نقلد الهنود بكلامهم ..
طيب وين نروح يا أستاذ ( أبو سلطان ) .. قال أكيد أكيد نروح لولاية ( كيرلا ) بالهند .. وأنا موافق على الاختيار هذا .. أتفقت أنا وهو أننا نروح إلى ( كيرلا ) .. الفكرة حلوه أننا نروح لكيرلا لأن خمسة من عمالي الهنود كلهم من مدينة ( كيرلا ) .. ولأن عامل صديقي بعد من ( كيرلا ) .. وهذا اللي شجعنا أننا نروح لكيرلا .. طبعا أنا قلت لعمالي أني أبسافر إلى مدينتهم ( كيرلا ) كلهم أنبسطوا . وحتى أنه واحد منهم صادفت أنه يبي يسافر . ولما جاء يسافر , عطاني رقم تلفونه بالهند .. قالي علشان إذا جيت للهند تتصل بي وأستقبلك بالمطار ... وحتى صديقي ما استغنى من تعليمات عامله . وعالطول راح له وقاله أني أبروح ( لكيرلا ) وين أروح وين أجي .. وأبتدا يسأله عن الأماكن الحلوة , وأنا بوقتها كنت متشوق أني أسافر للهند , وأنا لي كم سنة والهند ودي أزورها , ولأني كنت ودي أسافر لأي مكان يكون بعيد عن المدن , ولأني بوقتها ودي أسافر لمدينة فيها بحر وفيها طبيعة وما فيها إزعاج , ولأني بوقتها كنت محتاج أني اسافر خاصة بعد المجهود الكبير اللي قدمته بأعمالي ومشاغلي . ولأني بوقتها كنت محتاج بأني ارتاح بعد كثرة مشاغلي اللي أنتهيت منها وبنفس الوقت كنت متشوق أني أسافر مع صديقي لأن واثق أنه راح يكون لي أنيس بالسفر , ولأني واثق أنه راح يكون ونعم الصديق بالسفر ,, بخصوص أنه محترم وراعي تعليقات حلوه ,
عاد دايم أذا صادفت وشفنا بعض أنا و صديقي .. نبدأ نعلق على بعض ونسوي أنفسنا هنود ههه ( طبعا لازم نسوي بروفة لكلامهم قبل ما نسافر لهم ) .. وأحيانا نعلق على بعض . نقول شكلنا أذا سافرنا للهند نبدأ نصير مثلهم هنود .. وإذا رجعنا للسعودية شكلنا عالطول نبي نروح لشارع كيرلا اللي بالخبيب ونبدأ نلبس وزرة ونحط بشعورنا زيت مثلهم .. وشكلنا نبي نبدأ ناكل مثل أكلهم . ثوم و حبحر . طبعا نعلق تعليقات كثيرة مضحكة ..
وبالأخير اتفقنا أننا نسافر ( لكيرلا ) بمدينة ( كليكت ) .. طبعا ولاية كيرلا هي ولاية كبيرة وفيها تقريبا ( أربع مطارات دولية ) .. عاد أحنا رتبنا لرحلتنا ومتفق مع واحد من الهنود أنه يستقبلنا بالمطار ..
مرت الأيام وأتفقنا أننا نحجز لكن . راح ننتظر إلى بعد ( 6 ) أيام ,, لأنه صديقي مقدم أوراقه على ( وظيفة حكومية ) وموافقين عليه , لكن كان ينتظر منهم الاتصال علشان يوجهونه للمكان اللي راح يداوم فيه .. وبنفس الوقت خفنا أننا نسافر ويكون أذا سافرنا نخاف يتصلون عليه حقين وظيفته ثم يقولون له تعال دوام ..!
وبعد عدة أيام , أتصلوا عليه وقالوا له تراه تم تعيينك في بريدة ( يعني خلاص تراه ما فيه روحه للهند , يعني أنا راح أسافر لوحدي ) ... هو ما بين أنه فرحان بوظيفته وما بين أنه مشتاق أنه يسافر للهند ,,, أمممم أنا وش أسوي وكيف الطريقة . أسافر لوحدي للهند أو لا .. أيه لا أيه لا أيه لا .. وبالأخير قررت أني أسافر لوحدي ,,, ( طبعا السالفة اللي أنا ذكرتها لها شهرين ونص ) ...!
طبعا أنا لما قررت أني أسافر لوحدي .....
أبكمل لكم السالفة في وقت لاحق .. أحتمال أكملها بالليل أو بكرا صبح يوم الجمعة بأذن الله ...!