[عادل الحبيتر]

( يقولون ما مثل حسن الخاتمة .. لكن أذا صار العكس راح تكون مصيبة )


هذي سالفة قبل ( 40 ) سنه . لشخص عمره الان ( 65 ) عام ..
قال للي بالمجلس عندي سالفة ومتردد أنا أقولها أو لا . قالوا قلها .. قال لهم لكن هي سالفة حقيقية ومحزنة .. قلنا له توكل على الله وقلها .. وطبعا أحنا متحمسين كثير للسالفة .. وكانت بوقتها الساعة تشير الى 12 ليلا .. سالفة حزينة وبأخر الليل .. يااااه يعني راح يكون الحزن أكثر وأكثر
المهم صفينا دائرة واقتربنا له . وقلنا له توكل على الله وقلنا السالفة ..!
قالنا هذي السالفة حقيقية وحاصله لي .. وطبعا أببدأ ببداية السالفة . يقول قبل ( 40 ) سنه يوم كان عمري ( 25 ) سنه .. ( طبعا هذا ساكن بوقتها بمحافظة قريبه من الدمام ) .. المهم يقول يوم كان عمري ( 25 ) سنه .. يقول كنت بوقتها أجلس مع أصدقائي كل ليله .. ومره من المرات قالي أثنين من أصدقائي وهم فلان بن فلان والثاني فلان بن فلان . يقول قالوا لي وش رايك نروح للبحرين ( طبعا الأثنين ذولا لهم مناصب عالية ) .. قالهم . ما أقدر أروح لأنه ما عندي ( جواز سفر ) لأنه ما عندي الا تبعيه ( اللي هي مثل بطاقة الأحوال ) .. قالوا له ما عليك أحنا نقدر نطلعك معنا من غير جواز سفر .. لكن يالله .. المهم يقول أني رحت معهم وطلعنا للبحرين وأتجهنا الى مدينة الرفاع بالبحرين . وسكنا بأحدى الشقق المفروشة ., لأنه بوقتها ما كان فيه فنادق بهذه المدينة . يقول لما جلسنا قال بينه وبين نفسه أقوم أطلع وأتفرج على البحرين . يقول لما طلعت رحت أتفرج . وكان بوقتها بعد صلاة العشاء . ويقول وأنا أتمشي . شافتني أمرأة وقالت لك تعال تعال . ويقول لما قربت لمها . قالت لي : سبحان الله فيك شبه من أخوي شبه كثير . وابيك بطلب واحد . قالها : شو الطلب .. قالت له : أنا زوجي شغله بالمساء ودايم أذا جاء من شغله يروح لم الشله ولا يجي للبيت الا وهو ( سكران ) وأبي منك طلب .. قالها : شو الطلب .. قالت له : أبيك تجي معي للبيت وتجلس معي وأذا جاء زوجي أبقوله أنه ذا أخوي جاي من السودية وجاي يأخذني . لأنك دايم تجي سكران وما أطيق العيش معاك .. يقول قلت لها : مو مشكله راح أنفذ طلبك .. ( يقول هذا أنا رحمتها وكان نيتي شريفه . وما فكرت بشئ اخر أبد .. ويقول مع أنه بوقتها أنا قابل للأنجراف للأخطاء .. لكن صرت أقوى من الشيطان ونيتي شريفة ) .. يقول المهم لما رحت معها لبيتهم . جلستني بالمجلس وأعطتني الشاي . وكانت لابسه ( شلحه ) .. ويقول أنا أستغربت من هالشئ .. ويقول لما نزلت عندي الشاي طلعت .. وما راح كم دقيقه . الا وزوجها يدخل للبيت .. وكان يرقل جاي للبيت وسكران ع الاخر .. ودخل لمي وقلت له أنا أخو زوجتك .. عاد السكران أبتدأ يهذري بالكلام . ثم طاح عندي وكان بوقتها ماسك قارورة ( الخمر ) .. يقول أنا جلست تقريبا ساعة وهذا طايح بجنبي . لأنه سكران .. ويقول أني قمت ورحت لم الغرفة اللي مقابل للمجلس .. ويقول لما دخلت .. وجي أشوف المرأة الل جابتني . لقيتها طايره عيونها وطايحه بالارض ( ومتوفيه ) وبجنبها قارورة ( الخمر ) .. يقول أنا عالطول انحشت . ( طلعت ) من بيتهم وقلبي يرجف . وكان بوقتها الساعه 12 ونص ليلا .. ويقول أني ابتديت أدور على الشقه اللي أحنا ساكنين فيها .. لكن للأسف ضيعت مكان الشقة .. وجت الساعة السابعة ونص صباحا وأنا أدور على الشقة وما لقيتها .. ويقول لما قرب أذان الظهر . وأنا كنت بالشارع يقول أشوف جنازة محمولة بالنقالة . والناس يتبعون الجنازة علشان يصلون على ( الميت ) . ويقول لما قربت للجنازة . وأثاري الجنازة هذي للمرأة اللي ماتت . ولما زوجها شاف هذا .. قال للناس هذا اخو زوجتي هذا أخوى زوجتي هذا أخو زوجتي ( يقول بينه وبين نفسه . وش الورطة . مانب اخوها . ويقول بينه وبين نفسه وشلون حفظ شكلي زوجها لما شافني في بيتهم مع أنه سكران ) .. يقول انا لما قال هذا اخوها . يقول أنا طلع راسي وشبص وطلع بي الشيب من الخوف ... يقول أنا أنهبلت من الخوف .. ويقول ثم بعدها .. صحيت من النوم هههه .. طبعا هذا الحلم يوم يحلم وهو نائم ... ههه .. وحنا بعدها ضحكنا لما عرفنا أنه حلم ومو حقيقة ... لكن الصراحة ضبطت أسلوب السالفة وهو يسولفها علينا ...!

*************************************

هذا ( راس غليص ) صاحب المسلسل ( راس غليص ) .. أتذكر ما أفوت تمثيله عاجبني أدائه ..!
وودكم تشوفون شكله .. العادي ..!

هذا ( راس غليص ) .. طبعا لقاه صديقي بأحد المحلات في أحد الدول .. وصور معه .. وعالطول صديقي لما شافه صور معه .. وهذي هي الصوره يوم يصور معه ..!

**************************************

سيدتي ..!
أنا أذا سألوني عن العيون ..
أريتهم عينيك يا حبيبتي ...ّ!
فتركوني أمر ..
لأنهم يعرفون ..
أن السفر في مدائن عينيك ..
من حق جميع المواطنين في العالم ...!