[عادل الحبيتر]

اهلا بمدونتي الغالية ..!

أتوقع أن الصفحه هذي تبي تكون كل مشاركاتي فيها تكون (صور و وتعليقات ) ..!


***********************




بعد تفكير قررت أغير صورة رمزيتي .. لكن عن جد تعبت كثير وأنا أدور على صورة رمزية مناسبة . جلست ساعة وأنا أدور . لحتى بالاخير لقيت الصورة الرمزية هذي وعجبتني وحطيتها ...!



*************************


أنتهيت من وضع صور رحلتي للكويت ووعدتكم بأنني سوف أضع صور رحلتي الاخرى .. الرحلة الاخرى هي الى ( الامارات ) .. وقبل أن أبدأ سوف أضع صوره عن الجو الحار وأبعلق عليها ..!




موسم الصيف وما أدراك ما موسم الصيف .. موسم شديد الحرارة .. حرارة تحرق الجلد والجسد كله .. جاء الحر وجاء معه عذاب الحرارة .. الثلاث أيام اللي راحوا درجة الحرارة للجو مرتفعة جدا .. والواحد يعجز يتحمل أنه يطلع بوقت الحرارة ..
ياااااااااااه تمنيت المسبح هذا بالحر . هذا المسبح تبع الفندق اللي سكنت فيه بالامارات قبل عدة أسابيع .. تمنيت المسبح بالوقت هذا . لكن بشرط وهو أني راح أسبح بالمكان اللي مو عميق .. لاني ما أعرف أسبح .. وأخاف أغرق ههه .. كل شئ تعلمته الا السباحة ما تعلمتها ...!


**********



( رحلتي الى الامارات )


قبل عدة أسابيع جاء في بالي أني أسافر لوحدي الى الامارات . لاني كنت قبلها بأسبوعين كان معي أحد لما سافرت للكويت . لكن قلت المره هذي أبسافر لوحدي . كان في البداية يبي يروح معي واحد لكن لظروف عمله . ما قدر يروح ..!
جلست بالامارات ( أربع أيام ) .. وكانت الرحله يوم السبت الساعة 7 صباحا والعودة كانت يوم الثلاثاء في المساء ..!




هذي أشياء لا يمكن أن أستغني عنها ( الجوال و الكاميرا و العطر و المخزن و الاب توب و الساعة و البدلة الرسمية مع الكرفته و الغترة وغيرها من الاشياء الضرورية ) ..!




عند الانتظار . طلبت كوب قهوه . أنتظر موعد الركوب .. لكن يااااه تذكرت أني ناسي جوالي الثاني بسيارتي .. يا خسارة والمصيبه أني نسيته بدرج السيارة وبنفس الوقت مفتوح جوالي . وأتصل على جوالي والاقيه مفتوح .. يووووه وش الحل .. خلاص كذا ما أقدر اروح أخذه . لاني خلاص قصيت تذكرت ركوبي للطيارة .. الله يعين شكل بعضهم راح يتصل بي . لكن لما رجعت من الامارات لقيت أتصالات كثيره ورسايل وبعضهم كاتب ياعادل رد علينا . ما يدرون أني ناسي الجوال الثاني بالسيارة ههه ..!




يالله متى أركب الطيارة ..




أخيرا ركبت الطيارة .. حلو كويس أن الطيارة جديده ..




أصعب شئ عندي هو .. لحظات أقلاع الطائرة . لأني بكون على أعصابي من الخوف ..



أخيرا .. أطفأت أشارة ربط أحزمة الأمان ...



أكل فطور الطيارة . وأنا ما أشتهيت الفطور .. ضايق صدري لأني نسيت جوالي الثاني بالسيارة ..!





عجزت أبلع ريقي . مالت الطيارة على الجنب اللي أنا جالس فيه يوم وصلنا للأمارات .. حسيت أني أبطيح .. مع أني ركبت الطيارات كثير كثير . بس مدري ليش بأخر سنتين بادي أخاف من ركوب الطيارات ..!





كل ما قربت الطيارة للوصول بفرح كثير . لأني بحب الهبوط أكثر من الاقلاع ..



وأخيرا وأخيرا .. وصلنا بالسلامة .. ولله الحمد ..!


( في وقت لاحق .. بأذن الله أبحط باقي تقرير رحلتي ) ...!