[عيون الصقر]

اخي الكريم بارك الله فيك ان شاء الله ان قصدك الخير وهذا اللي افترضه بك وبقصدك من هالموضوع لكن انا اخالفك الراي جزاك الله خير واسمح لي بدون زعل.

اقتباس:  المشاركة الأصلية كتبت بواسطة أبوالبسم     [align=center]ليس ببعيد على الله عز وجل ... أن يجعل ( فُلاناً ) محبوباً رُغماً عن أنوفنا ..!! لأنه عز وجل إذا أحب عبداً في الأرض .. نادى في السماء جبريل فينادي في الأرض : أن أحبوا عبدي فُلاناً .. فيكتب له القبول في الأرض (( أو كما قال رسولنا عليه أفضل الصلاة وأتم والتسليم )) بعكس ما هم عليه بعض الكتاب أو المتصفحين اليوم ..!! يُبغضون فلان أشد من ( دم أسنانهم ) ..!! وقد كُتب له القبول عند الناس .. ( غصبن عليهم ) ..!!! ..!![/align]

اورد لنا مثال اذكر اسم شخص من المحبوبين عند الناس اخي الكريم

اذا كان هو مسؤول فهو قد وضع رقبته للناس يحق لهم محاسبته بكافة مستوياتهم ولا هو اقل من امير المنطقة حفظه ورعاه اللي فاتح بابه اربع وعشرين ساعه للصغير والكبير للشاكي والباكي ، واذا كان من اعيان البلد وتنكر لها يستاهل النقد المتزن واذا هو حرامي اتركه لاتدافع عنه حقه وماجاه.

وكل مسؤول او من الاعيان صغر او كبر اذا فعل جميل حمد على فعله واذا حاد عن الصواب الجميع بدون استثناء له الحق بالكلام هذا ناقد وهذا مغتاض وهذا متحمس لكن لاتصل الى الكراهية ودم الاسنان وهذي مبالغة منك ، النقاش في اغلبه خارج عن اطار الشخص الا ماندر
لكن ماشفنا احد نزل موضوع بشخص جالس في بيتهم او رد على موضوع يناقش حال حياالله واحد من الناس اما يكون مسؤول عن مصلحة مواطن وقصر او تلاعب او اهمل او شخص من اعيان البلد وتنكر لها وقصر بحقها فالمنتدى باب مفتوح شرط الالتزام بقوانين المنتدى اللي مشرفيه ماقصروا بحذف النادر جدا واتمنى شخصياً مايحذفون اي كلمه ، فما هو معقول اخي الكريم تطالب بتكميم افواه البعض وكانك تطالب بان يغلق باب النقد اللي يعتبر صوت المواطن.
ولعلمك اذا الله سبحانه وتعالى يحبه يبي يساعده وينصره ومادامك تقول غصب عن منتقديه يعني مهب بحاجة احد يدافع عنه مثلك.

اقتباس:  المشاركة الأصلية كتبت بواسطة أبوالبسم     [align=center] سبحان الله العظيم .. يا أخي أتركه .. وحسيبه اللي ما تنام عينه .. مهب أنت ..!! ومنتب بملزوم ( إلا تكتب الشين ) ..!! أقل القليل .. أدع له بالهداية والصلاح أو بالخاتمة الحسنة .. أو أن الله يبدلنا بأفضل منه ...!!! والكلام الطيب أكثر من الخبيث ( للعلم ) ..!! فقط شاهد المقال مشاهدة .. ويالله الستر والسلامة ..!! ..!![/align]

نعم حسيبه الله ونعم بالله لكن هو مسؤول وفي يده مصالح الخلق لهم حق بعد يحاسبونه الناس بالدنيا شهود الله في ارضه ومصالحهم في يده كيف تاخذ حقي وتطالبني اسكت بشريعة من يقبل طلبك هذا ، خله يروح لبيتهم ويترك منصبه وشف احد يقول فيه شيء ولا لا والله يابعضهم اننا ندعي له بالخير اذا ترك مكانه لمن هم افضل منه واذا كان من اعيان البلد وتنكر لها لاتطلب منا نتفرج على افعاله نطالبه ونطالبه بالطيب والنقد حتى يدفع الثمن ويرد الجميل وإلا مايلام من انتقده
وتقول الكلام (الشين ) والكلام (الخبيث ) تراها عبارات قوية ولاتليق بالمنتدى واعضائه اعطنا مثال على الشين والخبيث خلنا نترك المنتدى حتى لانحسب يوماً من الخبيثين .

ولماذا الحجر على الناس اخي الكريم تقول شاهد المقال مشاهدة فقط والله مدري وش اقولك يالطيب الله يسامحك.


ارجو منك تعوضنا بموضوع تنزله تشيد فيه بالحرية بالمنتدى وتشجع الجميع على انتهاج الحوار وسيلة لتناول المواضيع والهموم والمشاكل وتطلب راجياً الانفعال المتزن والحوار الهادي وان تشيد بالجميع واولهم المنتدى الذي يعتبر احد النوافذ التي يتنفس منها المواطن في بريدة ولك صادق الدعوات بالتوفيق حفظك الله ورعاك.