[عيون الصقر]

يا اخوان مطلوب شيء من الواقعيه ماتشوفون انكم ازعجتونا بالفراج وعطيتوه اكبر من حجمه وامكانياته
ترددون انجازاته وكانكم تتكلمون عن جمهورية وهو رئيس حزب يضم الملايين من الشعب وتعددوا انجازاته وكأنه دفع من جيبه فلس واحد ، الفراج يتصف بالتذاكي على بعض المساكين فالظروف وضعته كصحفي اشغل الجريدة بترديد كلام مدروس مسبقاً واحيانا يسمع عن مشروع سوف ينفذ ثم يطمر لوحدة من صفحات الجريدة ويكتب بطلب تنفيذه ويشتغل قرقر بالمجالس وبعد شهر يعلن تنفيذه ثم تمجدونه لان بفضله انجز المشروع واقر ولولاه وصراخه لجلسنا بالصحراء .. على مين يلعبها الفراج او انتم يامن تخلقون من الشمع وحش كاسر ، من يكون الفراج غير واحد قفز على المجلس بطريقة فوضوية بفضل الاصدقاء والمقربين واشياء انتم تعرفون كيف كانت الانتخابات وكيف تمت من ناس مايعرفونه اصلا ، اصدقوا مع انفسكم وانطلقو ا من الواقع ، انا واحد صوت للفراج مو عشان الفراج او قناعة به انا صوت عشان مشروع الانتخابات شيء جديد في بلدي وابغى اساهم في هذا المنجز باي طريقة باعتباره بداية والقادم افضل ولكن حتى ذلك التاريخ يظل الفراج وبقية الجوقه التي معه اراجوزات يسمعون وهم ساكتين واذا تكلمو يستأذنون اول من السلطان وبعدين السلطان يقرر يقبل كلامهم او لا ثم يوصون على الورق بعشرين توصية يرمي السلطان عشر منها باعتبارها كلام فاضي وغير مقبول ثم ترفع لنائب الامير عشر توصيات فيرمي منها ثمان توصيات باعتباراها كلام فاضي وغير مقبول ثم يرفع للامير توصيتين فيرمي الامير واحدة وربما اثنتين باعتبارها كلام قد صدر من سموه قبلهم وعلى وشك التنفيذ اصلاً اين موقع الفراج من هذا التسلسل علماً اني لم اتكلم عن تسلسل تلك التوصيات على مستوى المملكة عشان مايصير الفراج نقطة في البحر.

اتحدى الفراج يدخل المنتدى ويقدم نفسه بانجازاته ويثبت انه سوى شيء للبلد الفراج معروف بكلامه الكثير وحبه للاثارة والجدل الممل اللي مايودي ولا يجيب جعجعة بلا طحين مع احترامي له.

لا احد يفهم اني اضمر للفراج كشخص اي كره لاسمح الله انا اتكلم عن الفراج المسؤول الذي اعطي اكبر من حجمه على مستوى الانجاز القادم او الانجاز الماضي او احقيته الموضوعية في الفوز بالترشيح.

اخوي الحوبزة الله يخلي لنا الامير فيصل ويحفظه من كل شر لولا الله ثم بس ريحته بالامارة كان ماتم لنا اي منجز والله ماشفنا الخير والبركه والمشاريع وراحة البال الا يوم جانا فيصل الله لايخلينا منه ولايحرمنا تواجده وخلك واقعي اخوي الحوبزة يعني الفراج اهم من امير المنطقة انت صادق ولا تنكت.

اخوي الغالي راشد اي صراحة تتكلم عنها انتهجها الفراج صدقني وفكر زين انت واللي مغتر بصراحة الفراج ياخي الكريم عندما صرح الفراج بخصوص ترأس السلطان هو يضرب عصفورين بحجر ولا بيده شيء عندما رأى الوضع بتنظيم المجلس وانه اراجوز قال اصرح عشان ماحد يشره علي وتخرب صورتي عن الناس اللي توهقوا ورشحوني خلني اقول هالتصريح منها اخلي راشد الصليحاني واشباهه يتكلمون بي ومنها يغسلون ايديهم من اني ابجيب لهم شيء او انجز شيء لعيونهم يعني بدل مايقول مابيدي الا مفاتيح ..... قال اصرح احسن اثيرهم واخلص منهم عشان ماحد يلقي علي اللوم المستحق في نهاية فترة المجلس.


من يكون الفراج يابشر اصحوا وخلك واقعيين