[عيون الصقر]

اقتباس:  المشاركة الأصلية كتبت بواسطة أبو صدام     لك الحرية كاملة في أن تقول ما تريد لأن اللسان هبرة !!!

ومن هذا المنطلق الفراج يتكلم ويصرح بصراحه تلهب حماسك ، ولا لسان الفراج مهب هبرة يابوصدام

ذكرتن بالمسلخ يوم قلت هبره

اقتباس:  المشاركة الأصلية كتبت بواسطة أبو صدام     الفراج يعرفه المجتمع والدليل لو أنها ضربة حظ فوزه لما حصد خمسة آلاف صوت وهو جالس في بيته ومن شتى الأجناس والطبقات والمشارب بينما شخصيات مرموقة لم تحصل الا على طل !!

انا ماقلت انها ضربة حظ بالمعنى الذي تقصده انت انا اقول ان انتخابه من الاشخاص الخمسة آلاف لم تكن خاضعه لاختيار موضوعي لعدم نضج التجربة الانتخابية هي قامت على مثلك وامثالك يبوصدام تعرفه ويوم الانتخابات تدور بالهلكس الغمارتين على ربعك تجمعهم عشان ينتخبونه وانا قلت لك انا انتخبته ماني مقتنع فيه كانت اسبابي اني اشجع منجز الانتخابات في بلدي.

اقتباس:  المشاركة الأصلية كتبت بواسطة أبو صدام     وعموما إنتقاصك له لن يؤثر عليه !!!

ومن قال اني انتقص منه والله الذي لا اله الا هو لو اعلم ان حرارته مرتفعه ان يضيق صدري وادعي له واني اكن لشخصه الكريم كل احترام وتقدير انا احتج على اعطاءه كمسؤول بالمجلس اكبر من حجمه الحقيقي وتهويل الامر على العامة من الناس وان هذا الاسلوب ظاهرة غير صحية بالمجتمع اجل وش تبي تسوي انت وامثالك يابوصدام اذا تولى المجلس البلدي فعلاً انجاز الوطن تبي تخربون الديرة انت والفراج وبقية شلة الاستراحة الله لايبارك في مسلكك هذا ، الا تعلم ان هذا تدليس على الناس وكذب من تكلم انت تتحدث مع من الناس ليس على عيونهم غطاء كن واقعي وانطلق من الحقيقة التي لاتخفى على الناس واترك عنك التهويل والتدليس على خلق الله.

اقتباس:  المشاركة الأصلية كتبت بواسطة أبو صدام     والفراج يا بطل يوم أنت توحش تحول إلى شارع الخبيب وتقرأ الجرايد بالبقالة وهو يكتب عن قضايا بريدة وسافر لمقابلة وكيل وزارة المواصلات آنذاك الدكتور ناصر السلوم في مكتبه بدعوة منه مع بعض المخلصين على حسابهم الخاص وله دور كبير في اعتماد طريق الملك فهد ومسار طريق حائل السريع والدائري الداخلي 0000000شئت أم أبيت 00000والشمس ما تغطى بمنخل !!!!

منين اتوحش الله يرجك يابوصدام افكارك منب قايل عشان ما اطلع عن الموضوع يابو دعامه

ولعلمك امي حصه قابلت ولي العهد وقابلت الامير فيصل بن بندر واخذت حقها وافي مهب عاد السلوم الله يسلم عمرك
وبعدين لاتضحك علينا وتقول له دور كبير في اعتماد طريق الملك فهد ومسار طريق حائل السريع والدائري الداخلي والله انك ضحكتن حتى فنقست وين انت عايش انت هالمشاريع اكبر من مستوى جعجعة الفراج بس توكل على الله ولايكثر الخرط الفاضي انت تسخر من عقولنا بهالكلام يعني الخطط التنموية بالدولة من تحت راس الفراج اجل وين وزارة التخطيط وين الامير وين اعيان البلد يعني الفراج بس هو اللي عمل هالمشاريع يوم راح للرياض على حسابه وقابل السلوم اكيد رايح على النقل الجماعي بستين ريال انت اكيد تنكت وتنكيتك استهتار بعقولنا لانسمح به يابوصدام.

اقتباس:  المشاركة الأصلية كتبت بواسطة أبو صدام     أنك لست من بريدة وقد تكون من أهل الخبوب الذين بليت بهم بريدة !!!

يابوصدام لازم ترتقي بتفكيرك وتبتعد عن العنصرية المقيته والكلام اللي ماله لازم يفرق مايجمع ويدل على انك ماتفهم ولا تعرف تحاور اللي امامك وتلتزم بالنقاش المفيد والهادف وفي صلب الموضوع وش فيهم اهل الخبوب وهم صاروا حي من احياء بريدة ولو قسنا بمقاييسك كان الفراج ماله حق الترشح لانه من الشقه لكننا تجاوزنا منذ زمن هذه العنصرية ولن نرجع الى الخلف مهما قلت انت وامثالك.

اقتباس:  المشاركة الأصلية كتبت بواسطة أبو صدام     أو ممن ترشح وخسر وخيم وحط شفال وقنبري ودفع الآلاف ووعد يسلفت البر ويحط كباري وبيتهم بربيشة طين 000لكنه سقط أو من النادي المنافس ولا زلت تطوي للفراج يوم السفاهة حينما غربلكم ووراكم الصمرقع أو تنطلق من منطلقات فئوية عنصرية بغيضة مقيته !

كل هذولي خطا يابوصدام هذولي كلها اوهام معششة في راسك انت بس
انا احب اخي بالله الفراج واحترمه واقدره واي شيء يبذله موضع شكري وتقديري ولا اضمر له الا كل خير فانا مواطن من بريدة احبها واحب اللي يحبها وكل مايوضع بها لو مقدار طوبة تبنى تسعدني
لكني واقعي وعندما اتكلم عن الفراج اتكلم عنه كمسؤول بالمجلس ومستوى قدرته على الانجاز ليس حسب مايتمناه هو ولكن حسب المتاح من صلاحيات تخوله واراه نكره في هذا الخصوص ولايستطيع عمل شيء واعلم يابوصدام ان احترام وتقديري له شيء والتحدث عن امكانياته العملية شيء ثاني.


نريد الفراج نفسه يجي يناقش ماينتدب مثل ابوصدام وامثاله الذين لايجيدون الحوار العقلاني وتاخذهم العاطفة بدون شعور ويبدون يلخبطون بالكلام .


فائق الشكر والتقدير لاخي ابو صدام الغالي حفظه الله وارجو انك ماتغضب مني نحن نتكلم في اجواء الاخوة والمحبة والمصلحة العامة ولا نتطرق للاشخاص لا انت ولا غيرك.