[" TWIX "]

shahd2007..

اقتباس: ياحـياه الكسآفه تويكس .. بس احسن شي ان المجتمع كله مثلك كلهم يلعبون بالشارع وحآفيين .. ولاعندهم شي يعني الحال من بعضه

الله واكبر يا منول ..
نلعب في الشارع فوق الأسفلت حافيين والشمس قايمة بالواجب ومحولته لـ ( تنور ) ..
اللي يمر من عندنا تقل مار من عند مطعم شامي للمشاوي ريحة رجلينا فايحة ..

اقتباس: اطفال اللحين كل شي عندهم الرأي الاول له وكلمته ماشيه عشان يبني شخصيته ومايتعقد وكل حاجته ملبآة اهم شي لايزعل

هذا اللي خلا عيال الوقت يتفرعنون قولة الأهل ( لا يزعل يهد البيت )
وين يروح ..؟!!
يعني ينحرف السجون ماليه البلد .. وفيه ناس أخير منه قطوهم في السجن
العلوان قال ربي الله أسجنوه .. مو عاد أنت يا فتى الأندومي .. لما تنسجن تظن إن البلد بيتعطل والنفط يوقف عن لبضخ ..

اقتباس: بالنسبه لي الماضي مثل الحآضر ..لاشارع لاذكريات ..لامغامرات ..ولا شي مانعرف الا المدرسه بيت جدي وبيوت عماني فقط

الأخت دافور ..!!
الحمد لله ربتنا الشوارع وطلعنا رجال .. وين حافظ إبراهيم يوم يقول ( الأم مدرسة )
المفروض قال :
طرف العاير مدرسة إذا أعددته .. أعددت شعبا جلفا شديد المراس ِ
أنا أحس أن الشوارع هي من تقوم ببناء شخصية الفرد .. أما نشأته بين أحضان أمه لا تبني
مثلما ما يبنيه عيال الحارة عبيّد والدحمي وصويلح ..

اقتباس: ابوي يقولونا وش تسولفون ع عيالكم فيه ههههه ماعندكم اكشن وانتم صغيرين قلت الا ابقولهم انك شريت لي بلاي ستيشن وآن يوم نجحت بأاولى واكيد يبي يضحكون علي اويمكن حياتنا اللحين يبي يضحكون عليه

برضه الجيل اللي يبي يجي يبي يضحك على اللي قبله لين تقوم حرب عالمية ثالثة وتخرب الدنيا ( لأن يقولون الثالثة ثابتة )
أتوقع الجيل اللي يبي يجي من ينجح من ثالث لـ رابع يروح به أبوه لوكالة السيارات ومعه ( سطل جرانيت )
على شان لا شرى له السيارة يجلس على السطل على شان يقدر يشوف اللي قدامه لا يجيب العيد ..