بصراحه أنا ماادري بعض هالابناء من وين يجيبون هالقسوه على الي ربوهم
قبل تقريبا أربع سنوات زرت مع زميلاتي دار المسنين القسم النسائي
الا يومي هذا عجزت أنسى كل الموجودات الي بالدار شي يقطع القلب
تصدقين أنهن يتشفقن بس لمكالمة تلفون من عيالهن الي رموهن بالدار
لأنهن قاطعتن الأمل بالزياره فيه منهن لهن سنوات مايدرن عن عيالهن
حيين ولا ميتين والي يقهر أنهن متواكلات عليهم ويسألن عنهم وهم مايدرون
عنهن معقوله فيه أحد يرمي الجنه بأيده سألت الأخصائيه عن بعض
الحالات وسبب وجودهم تدرين وشو الرد بعضهم يقولون أن أمهم كبيره
بالسن وزوجته ماتتحمل وجوده ولا تقدر تخدمه فاضطر يجيبه عذر أقبح من
ذنب وأغلب الحالات الي كانت موجوده بسبب أنشغال الأبناء بملذات الدنيا
وعدم مقدرتهم على رعايتهن فيه عذر أقبح من هذا العذر
والله يالرعبوبه الي كتبتيه شي بسيط من الي قاعد يصير من بعض الأبناء