[باسم الثغر]

الحريم مانلومهن لاطلعن السر
هذي تركيبتهن وكذا ربي خلقهن
وشي معروف إن المرأة ماتمسك السر
وأعتقد من حبهن لكثر الكلام ، والأكشن بالأخبار
فعلى شان كذا ماعيلها ملامة


بس المشكلة عند الرجال
بعضهم مايحرص على كب العشا
إلا إذا وصيته على كتمان السر

فيه من ربعي شرذمة
إذا بغيت الخبر يبلغ الآفاق وتسير فيه الركبان
قلت له الخبر وحرصته عليه

وفيه منهم
بييييير ماله قاع
أجدع فيه السر وأمشي ، وأنا ببطني بطيخة صيفي
مستحيل يطلع السر إلا لما نجتمع ونسوي له طلبية ، هذا إن ماجحد وقال ماقلت لي شي ==> من زود الحرص