كلمتني قالت الليلـــــه وعدنــــا
فجر حبك ما هقيت انه يبينــــي
انكتب لفراق يوم الله جمعـنـــا
ونحرمنا من بعضنا يا ضنينــــي
في وريـــــد الحب ياحبي انذبحنــا
حكـــــم ظالم من هلي يانور عيني
انفجعت وصحت ياخلي عهدنــــا
صرختي جاوب صداها بدمعتيني
قلت واحلام الحياه اللي رسمنا
قال تمحيها مقابيل السنينــــــي
كـــــم بساتين بعواطفنا زرعنــا
كيف نقطف وردها والياسميني
قالت بحزن والم... مهما ابتعدنا
القلوب بتتــــفق .... بالنبضتيني
ادري انه صعب نبعد عن بعضنا
غصب عني يا غناتي وش فــ ديني
وانتهى همس الشفايف ثم سكتنا
وابتدت عبرات حسرتنـــــا تبيني
ثم وقفنا بنتــــــــوادع ما نطقنــا
ارفعت يدها وانا اشرت بيميني