[عيون الصقر]

يا استاذي الكريم ابوصدام الله يسلم عمرك من كل شر

في هالمقال يابوصدام ترى خالد السيف لم يؤيد الفراج ولا غيره بل انه لعن ابوسلسفيل صلاحيات اخونا الفراج وامثاله ممن قفز من الصفوف الخلفية صفوف الكسالا والتنبلجية ومحبي الفشخرة والترزز ولاهمهم بلد ولاغيره وانهم قفزوا بقدرة قادر ، واتفق معه في كل حرف كتبه ، وسبق ان ذكرت لك في مواضيع سابقة في هذا المنتدى حول الفراج واختصاصات المجلس وصلاحياته كلام مشابه جملة ماقاله السيف ان المعينين من قبل الحكومة هم الاقدر على خدمة البلد من المرشحين وان المرشحين مايملكون القرار هم تكملة عدد ولا لهم صلاحية ولا بايديهم شيء ياخذون مكافآت ويمسكون الباب ثم تكلم السيف عن عقلية المنتخبين والمنتخبين وقال مامعناه هالجدار الآيل للسقوط ماشي معه هالباب الباب المكسور ، كلهم مشي حالك لاننا ماوصلنا للنضج الكافي للممارسة العملية الانتخابية.

ثم هذا الفراج المراسل الصحفي والمحرر الرياضي المتواضع الذي خرج علينا من من المدرجات الرياضية ومن وسط رابطة .. هيدو هيدو ، وصفقا شباب ، والله يجيبه الثاني ، لايمكن ان يقدم شيء للبلد ففاقد الشيء لايعطيه فليس بيده صلاحيات ولايعني فوزه بالترشيح انه صاحب العصا السحرية في تنمية البلد وازدهارها هذا مار من جنبها يمشي الف حده تحليل بجريدة البلاد لمباراة فرق الريفي والسلة او مطالبة بشفط مياه الرشح بالفايزية والصفراء ، فقد رشحته جماهير جاهله وغير ناضجة في مسألة الانتخابات ولا تدري مالانتخاب ولا استبعد تسعون بالمئة منهم مغرر بهم ويستحقون الضرب على ايديهم لممارستهم العملية الانتخابية عن جهل لكن الذي يشفع لهم هذا الجرم انها التجربة الاولى للانتخابات في الوطن لذلك يتسامح معهم اصحاب العقول على امل ان ينضجو في قادم الايام ويتحملوا المسؤولية في الادلاء باصواتهم لمن يستحق وكذلك الاعضاء المرشحين يشملهم مطلب ضرورة النضج الكافي حتى نتأمل منهم ويستحقون من الجميع عناء النفخ بهم.

لاتقعد يابوصدام تقول اني اكره الفراج او اني مرشح سابق او كلام مشابه انا لا اقدح في دين الفراج ولا في اخلاق الرجل ولا في شخصه الكريم انا اقدح في امكانياته بالمجلس لانه شيء ماهو بيده .. بيد غيره عشان كذا لاتعطيه اكبر من حجمه عشان ماترفع ضغط الجماهير وتأكد ان سمو امير المنطقة الله يخليه لنا ونائبه والمسؤولين بكافة قطاعات الدولة في بريدة يهمهم امرها وقادرين ان يعملوا لها اضعاف ماتتوقع من الفراج وبقية المرشحين ومع ذلك بخستهم حقهم يابوصدام وبس تكبر بواجب الفراج ياخوفي معطيك شي ولا مواعدك بارض تراه يسويها الفراج يلحس مخك انت وراشد الصليحاني وتجون هنيا تنفخون بصورته وتسمعوننا مواويل حزاينية مشروخه.