للاسف الحيا ماعاد هو للبنات قبل كم يوم كان معي روشته ( وصفه طبيه ) ووقفت عند احد الصيدليات الي مختصه في المواد التجميله اكثر ( اكثر زواره حريم ) ,, المهم وقفت عند الصيدليه ودفيت ( دفعت ) الباب علشان ادخل ,, دخلت وعطيت الصيدلي الوصفه واخذت العلاج وجيت عند الباب على اساس اطلع من الصيدليه . طبعا لازم اسحب الباب علشان ينفتح .. كان فيه بنت اول مره بحياتي اشوف فتحهه برقع مثل ذيك الفتحه .. تبدا الفتحه من منابت الشعر الين عصاعيص ركبته << حلوه عصاعيص طبعا كانت واقفه عند الباب .. لا هي الي دخلت ولا الي وخرت علشان اطلع ,, وكانت مقربه بلحيل يعني خشمه لزق بالقزازه وجلست لحظات وهي على هالحاله جيت وفتحت الباب على اساس بطلع وبقول لو سمحتي شوي وخري ( خشمك طبع بالباب ) اول مافتحت الباب دخلت على طول .. مرت من عندي وقالت .. زين الي فهمت وفتحت لي الباب <-- طبعا انا الحين مصدوم من هالكلام الي طلع وسمعته قبل شوي .. ماني مستوعب قله الادب والحيا والجرائه الي خلاه تقول هالكلام طلعت وسكرت الباب وانا معبط خشتي مادري الحيا ماعاد هو موجود بالبنات ولا قله الادب صارت شي طبيعي ؟