[ع ـروووبة]

.
.
.

:: آلحموله ومآ آدرآآآكم ما آلحموله ::


يوم الجمعه جونآ حمولة اختي يشوفونه ويشوفون ولدهم الزييز

ومن يوم يدقون يآخذون الموعد وآنا شايلتن هم كبر جبل احـد اي والله

المهم من صبآح الله خير وحنآ خبه × خبه وودوا وجيبوا وحطوا وشيلوا

خآبرتهم كثيرين العمات 5 وحريم العيال 4 غير البنات الكبار اللي يبي يجن <~ وآوك تقل فطنت لذاك اليوم الله لايعيد الشر

بس احسن شي اختي ماله خاله <~ متوفيه عجوزهم الله يرحمه

المهم شرفوا البآشوآت عقب المغرب ومن يوم يدخلون وين ولدنا وين ولدنا <~ شوي وآقولهم هيه حنا اللي تاعبين عليه هههههههههههههه

قسم بالله تقل صارقين ولدهم

المهم حامت تسبدي وقمت اجيبه اول مادخلت المجلس وتنط العمه الصغرى تلقطه من

ومير امشيه واروح اجلس ودي اقعد جنب اختي ماش اشتهيت احش بوقته <~ عجزت اصبر بذاك الوقت قسم

المهم اشوف بصبوصي يتناقل بينهم واللي تمطخه ولط بالروج على خديداته

واللي مصعت يدينه واللي تمعطه واللي تعضه <~ رحمته اي والله


وعقب جت الداهيه الكووبرى قالت عمتهم الكبيره وين " فهد " بس هو ولدنا الصدزي هذا ماش طالعن عليكم

<~ ماملينا العين يعني اجل رجعوا بنتنا ودوكم عيالكم

اي والله كل الوقت بي ضحك موب طبيعي ودي يطلعون وافجَر كل اللي ببطني هههههههههههههههههههههههههه

مع اني كل شوي اطلع وافرغ قراقيع بطني من الضحك واجي <~ تسني ادهر لهم وادبر البيت

الموهيم جاء فهودي يسلم عليهم وهات من المطخ والمطيخ <~ تورم الولد

وتآخذه العمه الكبيره <~ هي دبرتهم وامهم وكل شي

وتبدأ بالإستجوآب س و ج من الالف الى الياء

وش تآكل وش تشرب ..؟؟ هاه نآخذك عندناا

وعيوني شوي ويطلعن بي حمق مع ضحك ههههههههههههههههههه <~ حاله عجيبه قسم ,,

ومير يجي هالمملوح قال ايه ان خاله ..... تعيي علي العب سيكل بالحوش

<~ يقصدن انا هالعوبيد

بس اشوى كمَل السالفه قال لامني طلعت الظهر

<~ ومير تجي مرت الولد الكبير ياحوبيله قسم

قالت ايه اشوفه مسمر ... وبدوا يحتسون عن الحر و هالقوايل وهالجو الرهيب ونسوا سالفتي اشوى

وبس هيك .. يعني شوية مدحات على شوية حمقات وخلص اليوم على خييير

اهم شي بصبوصنا تعرف على عمومته <~ بس شكلهم ماجازوا له غدينا نغيرهم

الله يسعد مسآآآكم بـكل خيـر وسعآده

الإثنين 17 - 8 -1432 هـ