آمنت بَ الحـب ! حتى طـاول حلوفي
و أذنبت به .. لين وصلني على كفره !
بحتفل بَ 1000 نظـره مرت حروفي
لو كـان مامرت عيوني .. ولا نظره !
هذا أنا و الشعر و الشوق .. و ظروفي
لليوم .. يخطي عليناا الوقت و نعذره !
كل الأماكـن مسـارح ! لكن بَ جوفي
مكان أجمـل و لاني قـادر أحضـره !
و كل المسافات أقصر من مـدا شوفي
و أبسط طريق أمنياتي .. مقدر أعبره !
ما كنت أبي غير .. ميعادي و معروفي
ياصغر مطلوبي بَ عيني .. و ياكبره !
وياكبري بَ جرحي و ياكثري بَ خوفي
كيف أقدر الجرح ولا أقدر على ستره ؟
... سعد بن هندي 