قبيلي وخضيري ,, وخضيري وقبيلي
موضوع مايعني لي شي نهائيا واعتبره من اسفه الامور .. ومن زمان الموضوع ماحد يكتب عنه .. لكن الي حرك الموضوع فايز المالكي في برنامج سكتم بكتم
على العموم
هالمقياس عمره ماؤخذ بالاعتبار في العلاقات الصحبه اولزماله والمعامله ,, مايؤخذ الا بس بالزواج ,, ووبحياتي ماحصلت هالمقياس هذا ابدا في حياتي العاديه ( اعز اصدقائي قبيلي ,, واعز اصدقاء الوالد قبيلي ,, واعز واقرب عائله للعائلتي قبيليه )
فا هالشي مهوب موجود الا بالزواجات والنسابه بس .
المشكله الي عند الناس الحين ويشوفونها مشكلها وانا اعتبرها جدا عاديه ولا فيها شي ( ان القبيلي مايزوج خضيري والعكس)
شي طبيعي ولا فيه مشكله.. الحين الخضيري يناسب اي خضيري ؟
اكيد لا لازم تكون العائلتين بنفس المستوى ومتقاربين من بعض .. يعني نقدر نقول تكافىء بينهم
نفس الحكايه للقبيلي مايزوج اي قبيلي .. لازم برضوا تكون العائلتين مناسبين للبعض
يعني العمليه عمليه قياس وتناسب لا اكثر ولا اقل
مع ان هالشي منبوذ والمفروض يكون المقياس مقياس شرع الدين.. قال الرسول عليه الصلاه والسلام ( من اتاكم من ترضون دينه وخلقه فزوجوه ) صدق الرسول عليه الصلاه والسلام
بالنهايه كل السلكين او الخطين عندهم معتقدات وتصرفات خاطئه ولكن هذا واقع حياتنا اليوم
والموضوع طبيعي جدا واخذ اكبر من حجمه بمراحل 