مافي احد بهالزمان يقدّر الأحباب
فى موقفي خلك .. مجرد ثواني
عش بعض ماعشته .. ثواني ولحظات
وان كان قلبك .. فى حياته نساني
ماتنفع الدمعه .. على شى قد فات
هذا خذا مني .. وهذا عطاني
وهذاك يعطيني .. وذا قال لى هات
وتدري بان العمر .. لو طال فاني
وانكرت لك ذات .. وحبيت لك ذات
هذا الكلام .. اللى يقوله لساني
اسير دربك .. وكل عمري مسافات
لك جيت .. ماعندي من الحل ثاني
انسان زاير .. اذا كان له فيك نظرات
حياته بقلبين .. لو قيل اناني
قلب يحب .. وقلب لو حب بسكات
مخلوق هونت غرامه .. وهاني
ماياصلك بيديه .. هيهات هيهات
وعزاي بان الموت لو جاك .. جاني
وعزاي بان الحب .. لو مت مامات
واما جبرت خاطري .. فى مكاني
مانيب محتاجك .. وانا ضمن الاموات