ثورة حزن " يحيا بهـا قلـب حسـاس
بانت علـى وجـه الأمـل فـي محيـاي
شفنـي أعانـي والغرابيـل وســواس
والليل غربـه .. والسهـر كنّـه إيّـاي
شفني أحـس ّ بغيبتـك ضيـم وأتعـاس
تكفى .. تعال أرجوك .. يـا داي و دواي
ذكراك هبّت يا اريـش العيـن نسنـاس
كنّـك تصـافـح بالمعـاذيـر يمـنـاي
أذكـر لقانـا يصبـح الخـد ّ كــرّاس
ويسيـل دمـع ٍ مرتبـط فيـه معـنـاي
وأقطف لك أشيا .. من محاصيل هوجاس
شي ٍ يـدور بخاطـري رايـح و جـاي
أحيان أرتّـب جملتـي وأرجـع أحتـاس
وألقى حروفـي بعثـره وأجمـع حكـاي
يعني كـذا والصبـر مخنـوق الأنفـاس
واللـي بقـى ونّـة تعـب فـي حنايـاي
يمكن تعب .. يمكن عتب .. يمكن إحساس
يمكن مشاعـر تختصـر بعـض أشيـاي