مشكله اذا صار المخ تجاري الصوره ذكرتني بمشروع خويي الله يرزقه هه .,هذي صورته اول ايام العيد بحي السلام .. كنت واقف عند الاشاره .. واستغربت وجود المحلين بجنب بعض وبنفس الاسم خاصه وان كلهم خياطين عاد تذكرت خويي قبل كم سنه مسوي نفس هالحركه .. طبعا انا اول ماشفته مسوي كذا .. نقدت عليه وش هالمهبول ذا ويوم تناقشت انا واياه .. ليش فاتح محلين بجنب بعض وبنفس الاسم ونفس المجال قال لي .. تخبر الحريم ايقاله ذكيه تكاسر الخياط الاول واذا مانزل السعر زعلت وراحت للخياط الثاني .,, فا انا اصير صايده بكل الحالتين راحت للخياط الثاني ولا بقت بالاول .. كلهم للحسابي قلت له طيب على الاقل غير الاسم ,, مهوب عينك عينك قال تصدق غابت عن بالي ماتوقعت انه واضحه <-- بغى يغوله .. اعنبوا ابليسك لوحه كبر الجدار وتقول مهيب واضحه ,, الله ياجرن بس على بعض الناس فا اخواتي العزيزات من واحدن نصوح .. اذا كاسرتي الخياط ولا عطاك السعر الي ينسابك .. انقزي لللحي الثاني ,, علشان تضمنين ان ابو مخ تجاري مالعب عليك