[كروومه]

و شلون اغـيّر عادتي و تحاشاك
.. ............... و اقضي حياتي مثل كل الأوادم

غصب ٍ عليّ اشتاق لا جيت ابنساك
.. ............... كل المشاعر في الخفوق اتصادم

ما عاد لي نفس اعشقك و اتحراك
.. ............... و ماعاد لي نفس افقدك ياااااا بنادم

اقـرا رسايل هاتفك و اتهجاك
.. ............... واشواقي المرّه بصدري ترادم

و ابحـثـك تنده لي / ورى كل شباك
.. ............... و آمال شوفك كل يوم اتهادم

شفني هنا والبارحه شفني هناااك
.. ............... على رصيف الشوق راحل و قادم

كل شي حولي عاشرك صاح يبغاك
.. ............... وكل شي حولي يعرفك مات نادم

وشلون اغيّر عادتي و تحاشاك
.. ............... و اقضي حياتي مثل كل الاوادم