(البيلوز) كم أنت جميلة ورائعة ومريحة رغم بساطتك.. والبيلوز تعني المخدات أو الوسائد الصغيرة للي ماتسعفهم ثقافتهم إنهم يعرفون معناها . بصراحة اكتشفت إن لها استخدامات عديدة فالنوم بصحبتها له مذاق خاص.. خاصة لما تحط وحدة تحت رأسك وأخرى تحت ظهرك وأخرى تغطي بها وجهك وأخرى تحتضنها إذا كنت فاقد حنان . ولو معصب ترميهم على الأرض عشان تفرغ جام غضبك.. ولو حولك واحد كذا بثر ترميها بقوة بوجهه.. ولو واحد عنده شوية زعل مع زوجته ويبغى يلطف الجو معاها يحذف عليها وحدة برفق.. وإذا أنت مزعلتك أم شوشة وواصل حدك منها ممكن تحط بوسط المخدة(حجر) وترميها . ومتى ماشعرت بالملل ممكن تغير أشكالهم أو ألوانهم عشان ممكن تتغير معاهم نفسيتك للأفضل.. . وعلى فكرة لها استخدامات عدة ممكن تخبي فيهم حاجاتك الخاصة فلوس شيكات مفاتيح شوكلاته.. وعلى طاري الشوكلت أذكر زمان كان عندي مخدة روعة وكنت أخبيء بوسطها بعض الشوكلت عشان بنت أختي كان عمرها سنتين لو نامت عندنا كان لازم تمر علي قبل النوم وعينها علي والعين الثانية على المخدة . وعاشت أيامك يالبيلوز