أنتم سيد العارفين أن الدول العربية السياحية جلها مقلوبة فوق تحت من ناحية الأوضاع الأمنية..الواحد ما يأمن ولا على جزماته هناك ..!! خلاص .. سوريا أكتبوا عليها السلام والسبب إن بشار القرد حاس أم أمها حوس وراكب رأسه ما ينزله من كرسيه إلا عزرائيل . أما مصر بتصير دولة منضبطة ما تشوفون الأخوان المسلمين عاملين إيه في البلد .. بيشيلون الشربات الوحشه بتوعهم ويحطون بدالها ماء زمزم وكل مومسة بيقام عليها الحد وبعدها منت شايف في مصر إلا الأهرامات وأبو الهول هو وخشمه اللي تقل خشم بوزو.. . ربعنا .. كل من راح يدشر ويفسد بمصر قال لأهله بروح أشوف الأهرامات وأبو الهول .. بتشوف جبل ..يا نصاب رح شف جبل عنتر وعبلاء على طريق عيون الجواء كان أنت صادق.. علينا يالحصني . المهم يا أرباب العوائل .. خلكم حول الطايف وأبها والباحة تراها تخب عليكم وأتركوا السفر برا لأنه في الغالب والله دشرة وتضيّع أخلاق ودين اعيالكم و بناتكم وتطيير فلوس . أتكلم بجد .. يعني لو أحنا مآخذين المسألة بجد في السياحة خاصة في هذه الأوقات و بعدها بتشوفون السياحة بتعمل إيه.. اتساءل .. لم لا تضع الدولة مشروع سياحي كبير كـ (شرم الشيخ) مثلا في الطايف الباحة وأبها .. فهل لا نملك مالا تملكه مصر من مقومات مادية وبشرية وبيئية ..؟! ويكون لنا ولأبناء الخيلج كمنتجع سياحي منضبط بضوابط شرعية ..؟!! صحيح ما عندنا آثار .. ولا غابات تضم حيوانات عدة .. تعطي المكان بعدا جماليا .. لكن لا تخافون القرد قايم بالواجب هناك وكذلك صحيح إننا ما نعرف الابتسامة إلا يوم العيد .. لكن الشكوى لله خلقتنا كذا الواحد ما يضحك حتى يجيه زلزال كوميدي بدرجة 8 قيقا على مقياس اللمبي