[pepsi]

:

تجين نرجع الماضي..

.

تجين نسولف ونضحك..
على المليان والفاضي..

.

تجين ألملمك لعبة..
وأرد أبعثرك ثاني..

.

تجين ونننسى يوم إنتي صرختي فيني: إنساني..
تجين نجدل أنوار الشوارع والمدى العاني..

تجين أشبه لفرحي يوم, ويوم أشبه لأحزاني..

.

تجين أصيح لك:.. وينك؟؟..
وإنتي تمضغين الجيم, وتقولين:.. موجوده..

.

تجين نصحي الشارع..

تجين نجسّم وجوده..

.

تجين تجين..
تجين الحين..

مـ دام السالفه حبري, وأوراقي, ودمعة عين..
تعالي الحين..

ولّا حتى فـاوراقي بتكونين مشغوله.
ولّا حتى بأحلامي بشوفك حيل مجهولة..

.

تجين أسترجع ألواني..
تجين أولد من أكفاني..
أو اولد من رحم تابوت..

.

تجين أجيك كل ليلة..
وكني بحرك الأبيض..

وكنك حي من بيروت..
.

تجين نصيــــــــــــح.. بس بسكوت..
تجين نصدق إني حي..

.

تجين نموت..