الحين ابي افهم شيء واحد يعني علشان موقف سيئ من كم شخص صاروا العرب حقودين وقلوبهم سوده ؟
العربي اللي جى هنا من قبل لا نولد وعلمونا وطببونا حتى شوارعنا رسموها صاروا حقودين ويبون لكم الشر ؟
العرب اللي وقفت معكم بحرب الخليج قبل العجم صاروا يبون يحتلون بلدنا ؟
ما سألتم انفسكم ليه البعض منهم وصل للمرحله هذي ؟
ما جى في بالكم ان شبابنا يتبطحون بالصيف عندهم وهو اللي ينقل صوره سيئة على السعوديين ؟
ما احد فيكم صادف كفيل ظالم عماله ؟
وينكم من حديث الرسول "لا فرق بين عربي واعجمي الا بالتقوى"
تسيرون الدين على حسب اهوائكم ومزاجكم
قال الله تعالى (وَلَا تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ تَعْمَلُونَ إِنَّهُ عَلِيمٌ بِذَاتِ الصُّدُورِ{7}سورة الزمر
وقال تعالى (كُلُّ امْرِئٍ بِمَا كَسَبَ رهين ) 21 سورة الطور
ما الومكم اذا كان تفكيركم ما يتعدى اطراف خشومكم
مشكلتنا اذا اول واحد فينا مسك خط الناس تمشي وراه ولا تدري وش السالفه ولا تحكم عقولها ابد
"بئساً لتلك العقول"