ليتك تموت اليوم وارتاح أنا منك
.............. يرتاح قلب بالخيانة طعنته
ليتك تموت وبثوب اسود أكفنك
............. واطوي معك صفحة عذاب رسمته
ليتك تموت و داخل القبر أنا أدفنك
............. وادفن مع الجثمان جرح جرحته
ليتك تموت اليوم محد درى عنك
............. غير الخفوق اللي وفا لك وخنته
ليتك قبل لا تموت في صدرك أطعنك
............. وأصيح بأعلى الصوت حقي أخذته
يلعنك قلبي والأحاسيس تلعنك
............. و يلعنك دمع صادق لك نثرته
جننتني يا جعل ربي يجننك
............ لا وحسافة ليلي اللي سهرته
منتب كفو قلبي له سنين صينك
............ منتب كفو للي من اجلك فعلته
غدار خاين خنت قلب مأمنك
............ قلبي عطاك الحب وبيدك ذبحته
وش موقفك لو كنت أنا اليوم خاينك
............ وش هو شعورك لو فؤادك غدرته