فيني بكى
حتى الحزن
جاني ..على كتفي
إتكى..
ضيفي سواليفه أنين
يضحك معي لكن حزين
ف عيونه بانت فضته
بدلها بسكوت الذهب
وبان التعب
وبانت في حنيات الضلوع
وجه الخضوع
..
قلبٍ سجين
والبوح في صمته
دفين
..
وش هو السبب
((مقهور))
لكن ماشكى
ويمضي العمر
ويحفر بصمته له قبر
ولا تنفس هالعتب
كفنه شموخ
ولو عينه ماشافت قصر
.. أو كان عايش وسط
كوخ
يكفيه.. إنه ما شكى
لكن بكى
ودموعه العذبه
سقى
بس ماقسى
ضيفى صبَر
لو دمعه الغالي
يذوب
فيه الأمل
مثلات طفلٍ ما يتوب
يضرب يديه..
ويرجع يبعثر
هالزعل..
ويكسّر أوقات الملل..
ماشاف غير أمه
أمل..
والعالم الباقي
جهل
توه على الدنيا صغير..
لكن حزنه علمه
من دون حتى يكلمه
لي غاظ وقته والزمن
خلا السنين تنزف
وهي متبسمه
من علمه..؟
لي صارت اللحظة ..وجع
والدمع له
صوت الخرير
والدرب جرح هالقدم
تبدل الشوك بحرير
رغم البكى
همه على الصبر اتكى
هذا هو الضيف الحزين
علمني.. ارسم عالسنين
بسمة صبر
تبقى معي .. طول العمر
وابقى انا مثل
الشموخ..
لين أعتلي أعلى قدر !!