:
ذكرتيني بموقف صار لنا في الهجره الي ادرس فيها وهي خاصه بقبيلة أل مره
وكنا نمشي ب الباص بأمان الله ولقينا قطيع من الأبل مثل الي ب الصوره
قام السواق الشيعي ضرب بوري وهاجت النياق ...
وجاك راعيها شواربة أطول من طول قامتة ويفتح باب الباص وينزل الشيعي
مع ان وزنه كان حدود 100 او فوق بس مدري ويش قوة البدوي كيف
نزله وكام يصفقه كفوف على وجه وسحبنا معه الى مخفر الهجره
وكانت اول مره واخر مره ادخل فيها مخافر...
المهم دخلو في المخفر ورفع البدوي على الشيعي قضيه ليش يهجج
نياقه ....!
وهذا امر مرفوض عن آهل البدو لان اذا هججتيها تنحاش عن القطيع بلا عوده
ويدخل الخوف قلبها .... حساسها النوق ههه
المهم جلسنا والله في المخفر قرابة ساعتين لما اتصلنا بأزواجنا وطلبنا
مساعدتهم .... كتبوا الشيعي تعهد مؤقت على عودته في اليوم الثاني
حسافه كان عندي صور للأحداث بس شكلها ضاعت من جوالي
:
إجمالي حديثي...
اللوم هنا مو على النياق وراعيها بل على المسؤليين عن الطرق
ليش مايحطون سياج على الطريق بما انها منطقة صحراويه أكيد
إن النياق بتشارك الماره بهذا الطريق
ومافعلته امن الطرق في الصور هو الحل الأسلم والصحيح لان النياق
ماتهجج وخصوصاً انها املاك تصل بملايين الريالات وتهم صاحبها
,