أكيد غلطاتي بعمري كثيرة
ياكثر ما سويت بالعمر غلطات
لاشك تبقىغلطتي هالاخيرة
غلطة عمرمامثلها بكل ما فات
غلطة عمر بحق نفسي كبيرة
دفعت قيمتها ولا عشر مرات
غلطة عمر منها جروحي خطيرة
عذاب عذبني من الذات للذات
حيرة وكم صادفت حيرة وحيرة
لا شك هالحيرة ثمنها محاكات
ادفع ثمنها بالدموع الغزيـــــــرة
لوعة وونة قلب وهموم وآهات
لا نام خالي البال عيني سهيرة
اسهر واطوح تالي الليل ونات
بيني وبين النفس ما جبت سيرة
مابيه يفرحبي عدو وشمـــات
اصبر ولو طـــالت علي المسيرة
واقدرومن يقدرعلىصبروسكات
يالله يالــي عالــــم بالســريرة
يا عالما بالبـــــــينه والخـفيــات
يالله تجعل تالي الامر خيـــرة
حسناك ياسماك سبع السموات
§الــســامــر§