●●●
صباح الخير ياعمري.. عسى عمرك صباح وخير
صباح الامنيات الحالمه.. والورد والمرمر
طيور القلب طارت لك .. وباقي في خفوقي طير
بيحضن حبك الخالد .. ويرعى بيتك الاخضر
من الغربه أنادي لك واناديلك .. واشوفك غير
أشوفك غير ما شفتك .. أشوفك اجمل وأكبر
وكل ما قلت اتغزّل .. يخون عيونك التعبير
أعوّد واعترف إني على التعبير ما أقدر
أحبك قد ما أحبك .. أحبك مالها تصوير
سوى انك ملكتيني وعشتي داخلي وأكثر
تعالي نترك الدنيا ورانا .. وآخذك ونطير
تعالي رجعيني لي .. وخليني أعود اسمر
تعالي من ورى شمسي .. تعالي نترك التبرير
شموخي واحتجاجاتي وصرخاتي .. بدت تصغر
أنا عاشق اذا جيتي .. وعاشق لو بدا تقصير
على كل حال انا عاشق .. وحبّك داخلي يكبر
نسيت أقول لك .. انك عناوين الفرح والخير
وذكرت آقول لك .. اني أحبك قد ما أقدر ●●●
دنيتي >>..
صباحك غير .. صباح الأحرار ياولدي
لو أخذت جولة كولمبس و أبن بطوطــة
و تبعت الملهوف ماجلان ، واستدرك ختاماَ
بالشيخ الملحد قوقل
حتى استعين بحروف تستحق الترشيح لترتقي لمقامك
لما و جدتها يا جنة خلدي
لكن عزائي أن جليسك ليس كمثله احد من حاضر البشر
وكفى ًُ
*َ-*َ
آخر تعديل yousef يوم 09-01-12 في 02:33 am.
|