[طبيبة القلوب]

نسيتني علّمنـي شْلـون أبنسـاك
في هالزمن نسيان الأحباب عـادي
وشلون لامرّت على البال ذكـراك
وطيفك سرق مني لذيـذ الرقـادي
وشْلون لا قالوا لي الناس وش جاك ؟
من كنت في لذّة منامـك تنـادي
وشْلون اعيش اللي بقالـي بليّـاك
لا من غدينا كـل واحـد بـوادي
لو قلت اداوي جرحي اللي تباطاك
ماكلّ جرح يْفيد فيـه الضمـادي
أعلنت حبـك ليـن كـلٍّ تمنـاك
غلطة وغيري من خطاي استفـادي
لو لي مثل قلبـك تمنيـت فرقـاك
واكيد قبلك بالجفا صـرت بـادي
حلوه عذاريبـك وحلـوه مزيـاك
حتى بيوم فراقنـا كنـت هـادي
كنّ الليالي ودها تكسـب رْضـاك
وأنا يطول مْـع الليالـي جهـادي
في ذمتي .. ماهي غريبـة خطايـاك
مبطي وقلبك لو تنبّهـت غـادي !
سهلة على من كان مثلك وشرواك
مثـل الثيـاب يغيـرّون المبـادي
علمني أكره ذكرياتـك وطريـاك
وأنسى من الليلة صدوق الـودادي
ولانيب قايل عقبها وين أبلقـاك ؟
راضي لو إن جروح قلبي جـدادي
وإلاّ القصايد جعلها مـن فدايـاك
لبّستهـا مبطـي ثيـاب الحـدادي
باكر على المخطي يدورنّ الافـلاك
ونشوف من يصعب عليه البعـادي

،،،،