[هلالي اخلاق]

اقتباس:  المشاركة الأصلية كتبت بواسطة رفيــع الشــان     ليش ما ننتقد المراهقين اللى روعو الامنين المرور ورجال الامن فقدوا هيبتهم بالتساهل في كثير من المواقف مراهق لم يعير ارواح الامنين اي اهمية اتمنى من مقام وزارة الداخلية ومن رجل الامن الاول سمو الامير نايف بن عبدالعزيز إصدار قرارات اشد صرامة بحق المراهقين اتمنى تفعيل قرار اطلاق النار بحق من يرفض الوقوف وبحق اصحاب الدبابات المستهترين في هذا اليوم وبفعل سافر وهمجي تحدي لرجال الامن واصرار من المراهقين ونشر بيانات لهم بالتجمع والتفحيط ببريدة وتحدي رجال الامن باتخاذ اي اجراء لهم للاسف شاهدنا حمل السلاح واطلاق النار في تجمعاتهم تحية وتقدير واحترام لرجل امن ضحى بحياته مقابل أن ننعم بالراحة تحية وتقدير واحترام قوبل بالنقد بسبب تضحيته مقابل أداء عمله بمثل ها هؤلاء الرجال نفتخر

كلنا نفتخر برجال الامن وبرجل الامن الاول لكن .

هنا في بريده بالتحديد اقسم برب العزه والجلال ان بعض العساكر يستلم ((سكرآآآآآآن )) وانا اقسم بذلك .

يا اخي ياعزيزي تبي اكثر من اللي يسوون ؟؟

الحين وهو ماسمح لهم المطارده واطلاق النار يطلقون النار ويطاردون ويصدمون خلق الله اجل لو سمح لهم وش بيصير ؟ اتوقع كل واحد يطلع من بيته مع رشاش يقاوم .

اذا كان المرور وضع لظبط النظام كما هو معروف فالحق يجب ان يقال انهم اكثر من يخالف النظام بكل شي .

اذهب وراجع المرور بس لايصير عندك واسطه وشف متى تخلص معاملتك .

شف اي سياره مرور تمشي بالشارع شف العسكري اللي فيها رابط الحزام او لا شف هو ماسك الجوال او لا .


على فكره انا اتكلم واقسم بالله تعالى وليس لي اي مصلوح ان احلف كذب وبهتان وزور واعوذ بالله من ذلك لكن للتوضيح لكي لايأتي احد مثلك ويقول وينفي ويبرر . اذا كنت تكذب كلامي احلف بالله انني اكذب ورب العالمين يعرف من منا صادق .



للمعلوميه اكثر اللي يدورون ويفحطون يعملون بالسلك العسكري يعني الشق اكبر من الرقعه او بمعنى اصح ( حاميها حراميها )

اتمنى طلب بسيط من مدير السير المرشد ان يأتي لمكان التفحيط او الدوران بالفاخريه بسياره خاصه لايعلمها احد من رجال المرور ويرى مايعمله عساكره اثناء الاستلام ويرى التفريق اذا كان المخطئ شخص له شنبات وشعره كدش وشخص اآخر توه طالع من الحلاق محلق شنبه على الصفر ومستشور شعره وشوف من اللي تركب سيارته السطحه وشف من اللي يمشي بس قبل يمشي لازم يكتب الرقم عشان بعدين يمكن يمسك ويفزع له العسكري الكريم .

وايضاُ شف السياره اللي تدور واحفظ شكلها زين تحصلها بكرى الصباح بمواقف المرور عندكم مدوامين .