[حكاية صمت]

لاتكابر ياحبيبي ..
منت قادر
شوف شوقك فاضحك
نبض صدرك ، حسّ همسك
نبرتك ، حتّى النواظر

تقول لي ... صابر !
انا ادري يوم تقفي ..
غصب عن عينك قفيت
شلت قلبي ، في يمينك


حتى قلبك ... بين يدينك
.... هو صحيح إنك خذيته
بس ، أبصم : مانسيت !
كيف صابر ؟
وانا طيفي ياحبيبي
لك تركته ..
ــ تحت جفنك
وبين عينك ذي وعينك ،
ذكرياتي .. الحلوه / منّك !
لا تكابر يا بعدهم .. لا تكابر
أدري بك ، تضعف بدوني
ولو تكابر بالتغاضي
منت قادر !
شوف شوقك فاضحك
نبض صدرك ، حسّ همسك
نبرتك ،
....... حتّى النواظر !