والله عاد هذي وجهة نظري .. ماني مجبورة لا اكذب ولا اكتب تعليق ..
وياليت ركزتوا في نهاية تعليقي ..كتبت ان هذا يحدث في حالة عدل الزوج ... لان هذي المرأة عازها ومقدرها زوجها قبل وبعد
ومسألة طلعاتها وتفرغها له فهذا مو يعني تسكع مثل ما وصفت بعضكن..
هذا يعني يالفاهمات ان زوجته الثانيه انسانه اجتماعيه وتطلع وتقابل الناس وتجيب الدعوات
فخلى زوجته الاولى مايفوته ولا عزيمه من عزايم حمولته واهله ..
وبالمناسبه الشر في التعدد غالبا من الزوجه الاولى ..ياللي راحمات الاولى ام الشر
حسب ماشفت ورأيت من صديقاتي وقريباتي ....الانانيه مخلوقه من الاولى ...تبي تملك الزوج غصب وكأنه الزوجه الثانيه شرعيا مالها حقوق فيه طالما عقد عليها عقد شرعي
احدى المعارف تقدم لها رجل متزوج وواقفت عليه من باب من جائكم من ترضون دينه فزوجوه ...ما اخذته من زوجته ولا تعرفه
وعلى دور السنه رجعت لبيت اهلها من تضييق زوجته الاولى عليه ليما هجت ..
..مع انها انسانه مهذبه قريبتي ومحترمه كانت ماتحضر اكثر اجتماعات حمولته مراعاة لهاللاربعينيه المترهله لجل تاخذ راحته مع الحموله
ومع ذلك لم يخلو يوم طوال ايام زواجها من اتصالات الاوله عليه لاجا يومها تناديه ابنك فلان مريض بنتك فلانه تبي اغراض للمدرسه
حتى ساعات متأخرة من الليل تطلعه من بيته طفى الكهرب ..مدري وش اللي صار ..ووالخ
حتى هي نفسها ترسل لجوالها شتايم وسخريات وكاتمه عن زوجها لجل ماتحدث مشاكل زود ..
ليما جت الساعه اللي قال هالوضع ما اتحمله لازم بتخلى عن وحده فاختار الثانيه لانه لسه ماجابت المسكينه عيال.
وش ذنبه هدمت بيته هاللي ماتخاف الله ..
من المتسرع ...؟ انت والا انا ...
اعتقد اني اخوي ما سبيت شخصك حتى تتهجم وتغص من الغيض ماتدري وش تقول لي..
انا قلت عن الجهل هو جهلت بهذه المسألة فقط..
ماقلت نديم الهوى قاعد بخيمه بصحرا مايدري عن العالم .
وعن العوانس والقواعد
فبكل فخر انا من فئة المطلقات ...
دنياي على كيفي حنا هذا زماننا ..الكل يركض ورانا ويشهق بنا ..
ماندري من نوافق عليه . وملكة جمال
قال قواعد ..وجالسه بزريبه ..
حصَل ظفري