[نقد التعليم]

[align=center]

اقتباس:  المشاركة الأصلية كتبت بواسطة المتزن     نقد التعليم ( المشهد العاشر بعد المئة ) منتب عاقل يـ اليخاندور <<< مسلسل مكسيكي شوفي وانا اخوتس : أبوضح لك الموضوع علشان تتضح لك الصورة ( مع انه واضحة للي يشغل مخه ) .. عاد واللي مخه ماتوصله ( ردودكم السلحفائية ) إلا بطريقة ( مرتبط ) وش تسوون به ؟ إيه على فكرة : تراك إلى الحين ما جاوبتي على سؤالي " المحرج " !! المهم اسمعي : أنا قلت لمزاجي بالنص ما يلي : اقتباس: طيب وراك ما تجمع بين الاثنين .. تنبه اللي تسبب بالمشكلة وتنبه الناس على خطأهم برضه ؟؟!!! أو ما يجتمعن عندك ؟؟؟!!! أخاف انك مستانس على شغل الناس اللي يبون يقطعون صلة رحمهم مع قريبهم ويبي يتبرأون منه !!!!!! ركزي معي على اللي باللون الأحمر . وشـّن الاثنين اللي قلت لمزاجي اجمع بينهن ؟؟! 1- إنه ينبه اللي تسبب بالمشكلة ( اللي هو القبيلي اللي وده يناسب خضيريين ) 2- إنه ينبه الناس على خطأهم ( اللي هم أقارب هذا القبيلي اللي جو يهددونه بقطع صلة الرحم معه والتبرؤ منه ) عاد جاء مزاجي وقال لي بالنص : اقتباس: يبدو والله أعلم أنك لم تفهم جيدا مالمقصود بالقاعدة " درء المفاسد مقدم على جلب المصالح " حبيبي لانستطيع الجمع بين الاثنين عندما نطبق هذه القاعدة !! طبعاً وش يقصد مزاجي بالاثنين اللي يقول إننا ما نستطيع الجمع بينهن ؟؟! أكيد يقصد اللي ذكرتهن له بكلامي . أتوقع واضحة ذي يا نقد التعليم وما تحتاج شرح . هو صادز مزاجي ( لانستطيع الجمع بين الاثنين عندما نطبق هذه القاعدة !! ) – وهذا معلوم من القاعدة بالضرورة - فــ ( خياراتك ) أبطلت قاعدة ( درء المفسدة مقدم على جلب المصلحة ) بالكلية ، فلايحق لك أن تنسب ( ماقلته ) لهذه القاعدة .. لأن إعمال القاعدة إنما يكون ( فقط ) بتعذر الجمع بين الأمرين ! فإذا اندفعت المفسدة واجتمع المتعارضين بطلت القاعدة ( وكفى الله المؤمنين شرّ القتال ) ! يعني قل بالعربي إنك تطالبه يحاول يحتوي ( الوضع ) ويسيطر عليه قبل يستفحل ويوصل إلى مرحلة ( الفتنة اشد من القتل ) التي تستلزم ( تحكيم القاعدة ) وحينها لابد من درء أعلى المفسدتين آلا وهي مفسدة قطع الأرحام !! ولعله وضح لك المقصود برده الأخير ! طيب : وش سوى مزاجي علشان يوضح لي إن كلامه صح ؟! ضرب لي مثال : قيادة المرأة للسيارة !! عاد أنا ما حاولت أدخل أنا وياه في نقاش طويل عريض في مسألة هل مثاله يصح قياسه والا لا .. على طول قمت ووضحت له إنه يمكن الجمع حتى في مثاله اللي هو جابه علشان يثبت لي عدم إمكانية الجمع . مثال مزاجي صحيح 100% فهو خش بالقاعدة علطول على اعتبار تعذر الجمع بين الأمرين ! أما أنت فأسقطت ( كلامك السابق عن الجمع ) على القاعدة ومن هنا كان خلل فكرتك ! وهذا اكبر مثال إنك مااستوعبت القاعدة أصلاً .. وإلا مجرد قولنا ( درء المفسدة مقدم على جلب المصلحة ) يتبادر إلى الفهم تعذر الإجتماع ! يعني أنا أحاول أسكـّر عليه أي باب هو يفتحه حتى لو أنا ما اقتنعت بقياسه مثل شغل إبراهيم عليه السلام مع الذي حاجه في ربه . لزقتها في ظهر مزاجي برضه هذا مايعطيك الحق في إنك تقيس غلط ! تقدر تسيّس الحوار للوجهة اللي تبيها بدون ماتخلي عليك مداخيل وتقع بأخطاء ! فهمتي ؟! عموماً راح نفترض - سوء الفهم - وأظنه انحلّ بينكم ! لأن قياسك بصراحة مهب يمّ قلم أبد ! جاب عاليها واطيها طبعاً هي واضحة ورأيي واضح من البداية .. لكن المغلوب اللي ما عنده حجة , يحاول تصيـّد أي شيء على من يحاوره علشان يظهر بمظهر المنتصر أو على الأقل يضيع الموضوع ويتشتت . ويا شين اللي يحاولون التشغيب والتشتيت !! عاد أنت اللي جبته لروحك وطحت بالمصيدة ! وش أسوي لك إذا طلعت حججك ( تسلل ) ! رح اقرأ كلامي فوق ( وبرضه عرّج على ردودي اللي انت تاركها ) وتفهم إنه مهب تشغيب بقدر مهب سقطات عنيفة ! وبعدين أنا إذا مااشتركت بالحوار فإنني اتفكر فيه << نقد الحكيمة بمعنى لازم أكون أكثر فهماً لأطراف الحوار لأعي حقيقتهم وكيفية محاورتهم ( من حقي ) ولافيه شي اسمه لاترد ولاتناقش مادام الموضوع مطروح للنقاش العام .. سالفة ( تشغيب وتشتيت ) هذي مجرد ضربات روتينية المقصود منها نفي الآخر لإسكاته ! وتبطون عظم تمشونها علي ! << محاورة صنديدة ====== نجي للثانية يا نقد التعليم ( اللي هو موضوع الشيخ ابن باز رحمه الله ) : باختصار .. وش يقول الشيخ ابن باز ؟! أنتي نقلتي لنا كلامه بالنص : وش فهمتي من كلام الشيخ ابن باز يا نقد ؟؟!! هل فهمتي أنه يؤيد ( منع ) التزاوج بين القبيليين والخضيريين ؟؟؟؟!!!! ركزي بكلامه شوي الله يصلحتس . الشيخ يقول ( وإذا رغب بعض الناس ) ألا يزوج " خضيري " , فلا حرج في ذلك .. طيب ( وإذا رغب بعض الناس ) أن يزوج ويتزوج خضيري .. وش يقول الشيخ يا نقد ؟؟!! أنا بالنسبة لي : فهمت من كلام الشيخ إن اللي وده يزوج أو يتزوج من غير فئته , فهو حر .. وبرضه اللي ما وده يزوج أو يتزوج من غير فئته , فهو حر أيضاً . لكن يا شين اللي ما يفهمون كلام المشايخ صح . فاهمته ونص ! تراني جبت الفتوى اكثر من مرة ، وسبق سقتها كاملة .. وارجع لردودي !! عندك الرد رقم ( #150 ) حطيت الفتوى كاملة وبرضه عندك الرد رقم ( #350 ) أوردت مانصّه : دليلي هو / قول الشيخ ابن باز – رحمه الله - وهو خضيري ( المهم اختيار من يصلح للمصاهرة لدينه وخلقه، فإذا حصل هذا فهو الذي ينبغي سواء كان عربيا أو عجميا أو مولى أو خضيريا أو غير ذلك، هذا هو الأساس، وإذا رغب بعض الناس أن لا يزوج إلا من قبيلته فلا نعلم حرجا في ذلك . والله ولي التوفيق . ) بس المشكلة اللي يقول إنه فاهم وبنفس الوقت / يستميت في كسر حواجز السنن الكونية ، عن طريق تكبيل ( سعة ) المبررات الشرعية للتشبث ( بالآخر الشاذ ) لإعادة ترتيب سياق ( الأنظمة الإجتماعية ) ، في ظل احتمال ( تفاقم ) ( المشاكل ) في ( المحيط الإجتماعي ) برمته ! شفت الفرق بين فهمينا !! وبعدين خلاص ياخي مادامك فاهم إن الدعوى ( حرية × حرية ) أجل وشوله هالحفلة اللي مسويها ! وشوله تبينا نصيغ أفكار ( عائلة بكبرها أو مجتمع ) أونغير سلوكهم تجاه أمرٍ ليس عليهم فيه من حرج ! ووشوله تبي العالم تدخل بصراعات ( مع اطراف متعددة ) قد تمتد وتتسع دائرتها ويطول أمدها وتـُحدث شرخ في ( صلة الأرحام بعضهم ببعض ) لأجل أمرٍ هو في الأصل بالخيار !! ووشوله تبينا ندين أفكار الناس في أمر ٍ هو من باب ( الحرية الشخصية ) ووشوله تبينا نمشي ونقنع الناس في فعل ( مباح ) تركه ليس ضرباً من ضروب المشكلات التي تستلزم الحلول !! بالعكس ربما المشاكل لا تنشأ إلا من إثارة مثل هذه المواضيع التي لاطائل من ورائها سوى مزيد من ايغار الصدور والكراهية ! كلمة راس : الهزل ليس استهزاءً بك بقدر ما هو تصحيحاً لكِ . وعذراً لإن كان هناك من تجاوز بحقك . ترى مهنا بأوسع من صدري ولا أطول من بالي ومنب أزعل أبد ! بس الحتسي أنتم كانكم ماتعودتوا على أسلوب ( نقد ) تتعبون ترى !! إلا على فكرة تسني لمحت ( نبض القلم ) قالبـ(ن) برتقالي ؟ موكلينه جزر أنتم ؟ وتقبلي تحياتي 00 المتزن

[/align]