عاااااااااد الله اكبر يابراق
انتم على اسمكم تماسيح يعني متوحشين
دامك انت بديت بالشر ونقلت عنا هذا الكلام اللى مهوب صدق خذ مراحل حياة التماسيح اول باول
# مرحلة التكوين :
التمساح يبدا ببطن امه يرفس والله مايخلى امه الا رافسها اما يمين والا يسار وامه المسيكينة تقول ( ياولد اعقل ) من هالحين بدأ يطق امه امحق من بر وامحق من عقوق
# مرحلة الولادة :
بغرفة الولادة تكون ولادة التمساح متعسرة القابلة تحاول تطلعك من رحم امك وانت ترفض وتصرخ باعلى صوتك منيب طالع حتى عاملة النظافة البنغالية جاية تركض بعد ماسمعت الصراخ من التمساح الجنين وهى تردد مستغربة : ايس فيه ؟
# مرحلة الرضاعة والطفولة :
خذ ياصياح وبالذات بعد مرور شهر من الولادة
التمساح مايخلي امه نايمه وخصوصا بعد التطهي ريعني التمساح من وهو صغير موذي امه
لا ويتدلع لازم سيرلاك اللى فيه حديد ( والله شغله تمساح ويشرب حليب )
لا واعزكم الله اول مرة اشوف تمساح يتدلع مايبغى حفاظات بيبي جوي يبغى بامبرز اكبر نوع XXXL
# مرحلة دخول المدرسة:
التمساح بمرحلة المدرسة يوذي مايقوم الا بسطل موية على راسه ويقعد يصيح مابغى اروح بطنى يوجعنى بلا والله من اكل البيض والضفادع
لا ويتشرط مايروح الا بعصير وسندوتش و3 او 4 ريال شين وقوي عين
واذا جاء في رابع لازم فنيلة رياضه تخص اما نادى برشلونة او نادى ريال مدريد
يالله فنيلة المنتخب تخب عليك بعد
# مرحلة المراهقة الثانوية :
تبدأ هذه المرحلة باخفاء باكيت الدخان اما بسيارة صديقة او خلف سور المدرسة ثم بعدها يتدرج ويتطور التمساح ويصل لمرحلة الارجيلة ( الشيشة ) ثم بعد ذلك الى التفحيييييييط
# مرحلة التخرج من الجامعه :
تمساح مالقى وظيفة ايش يسوي يوذي الناس اما بالتسكع بالترع ( عفوا الشوارع) او يوذي بنات الله بالبلوتوث في الاسواق لا ومسمي اسمه ( سامى او هيثم - او هانى ) بالبلوتوث وتلقى اسمه الصدقي سعيد او راشد مالت عليكم تماسيح راشد ويخب عليكم بعد
# التمساح بالعيد :
طاقية عمقها 20سم ثوب القلابي حقه 10 سم شماغ نشاء - سكسوكة عند حلاق ابو 5 ريال
والجوال استقبال بس والجزمة متطاق مع امه لين باعت ذهبها وشرت له جزمة
# التمساح بالهاف مون :
سيارته يمشي بها الهوينا ومسوي نفسه هواوى ومشغل على - راشد الماجد - ومطول على الصوت يعني اسمعونى وشوفونى انى رومانسي
وهناك نوع من التماسيح مسوي نفسه عربجي ومشغل اغانى شعبيه قديمة وتلقى معه وانيت مرتبة وحده ومركب معه 3 بمرتبة وحده مسوين نفسهم فور كات مالت عليكم تماسيح
لا وتلقاه متميلح لابس شورت برتقالى وبلوزه كت لون فسفورى وشبشب كحلى ( ياسلام على تناسق الالوان ) ونظارات شمسية ام ريالين وشعر مليان جل او زيت شعر حق الهنود
هذه المناظر شاهدتها مع اهلى لبعض التماسيح بالشرقية
وحدة بوحدة يالبراق التمساح