[عبق الزهور]

الأخ شامية
الناقد ولد علي ما قال إنه يشوه صورة بلدنا ومستحيل أحد يقدر يشوه صورة السعودية
لكن هذا هو الواقع ولا مفر من الحقائق.
طيب أبسألك : ما سمعت موضوع برجس ؟
هل قصة برجس قصة مكذوبة أيضا .. أريد الجواب ..

طيب قصة نفق النهضة .. ولا هي كمان رواية مكذوبة ؟
طيب : تكرار مأساة طريق النهضة في الطائف قبل كم أسبوع .. ولا هي كمان قصة مكذوبة ؟
طيب خطف الطفلة ابتهال تقريبا أو طفلة أخرى ما أتذكر إسمها تماماً .. وأخيرا مسكوا الخاطف قبل كم يوم ..
وللأسف إن الخاطف طلع عسكري برتبة عالية .. هل هذي قصة مكذوبة ..؟؟
طيب وفيه قصة حصلت قبل أبوع تقريباً في الرياض : إن شابين سعوديين استدرجوا طفل عربي عمره 11 سنة وفعلوا فيه مايغضب الله ... وكل هذي وأعظم منها ليست مكذوبة ولا مفترى عليها هي حقايق وللأسف الشديد ، ولا مفر من الحقايق..
وما يحتاج أصلا إن الناس تجي من برة وتفتري على بلدنا وتشوه سمة بلدنا .. لأن أصلا بعض شباب بلدنا هم اللي شوهوا بأنفسهم سمعة بلدهم .. فهذي حقايق ولا بد أن نؤمن بالحقايق ..
طيب .. أعطيك حكاية ثانية حصلت في أمريكا قبل شهر تقريباً وأعتقد إنك سمعت عنها : إن شابين سعوديين سجنوا وحوكموا وأذلوا أمام شاشات التلفزيون في أمريكا بسبب ما قاموا به من إزعاج في باص مدرسة .. لاتكون هذي أيضا افتراء على بلادنا الحبيبة .. وما خفي كان أعظم ..

المشكلة إحنا اللي نخدع شبابنا بأنفسنا نقول : لا .. شبابنا صالحين ما يصدر منهم أي خطأ وهم ناس عقلاء يخافون اللهومدري إيش وإيش .... الخ ... هذا الكلام وهذا المدح اللي مو في مكانه هو اللي جعل شبابنا يرتكبون الجرائم وإذا أحد جاء نقل الخبر ولا شيء .. قلنا : لا هذا المقصود منه تشويه سمعة بلدنا ... ؟؟!!!!!!
ليش ما نعترف بالحق ونقول فيه من شبابنا من هو مجرم وحقير وإنسان بلا دين وإنسان كذا وكذا .. لازم نعترف بالحق .. عشان ما يستغلون طيبتنا وثقتنا فيهم يستغلونها في ارتكاب الجرائم والمنكرات !!!!!

وربنا يحفظ بلدنا من كل سوء ومكروه ويطهرها من المجرمين والمنافقين .. ويحفظ علينا أمننا وحكامنا من كل شر ..