[بحر العطاء]

[grade="00008B FF6347 008000 4B0082"]اقتطفت لكم هاذي الرائعة الشعرية
ارجو تحوز على رضائكم...ولطف ردودكم[/grade]

******************************

معاك الحق وبكفيك ولا انت بعشرتي مجبور..

وانا من صوبي سامح لك نعم ومبري الذمه..

وتاكد واللي يجمعنا انا لا قلت لك معذور..

مجرد واقعي يحلم يعيش بواقع يهمه ..!!

على النيه انا عايش على الدنيا بطيب شعور..

اعيش وصدمتي اصعب خيانه تصدم الأمه !!

عليك الله يا ذاك الشعور البارد المجهور..

هدمت اغلى طموحاتي وقلت الحلم من يمه..

وهدمت بقلبك القاسي سنيني في بقايا سطور..

ومشاعر قلبك اللاهي انا ادري ماهي مهتمه ..

احسبك بالوفا بتجبر حطام الخاطر المكسور..

واشوفك للاسف عايش مثلهم شرَك تعمه..

وشالي يفرق الجاحد عن اللي خان وعاش الدور؟

اذا ما كان هذا هو اخو لهذا .. ولد عمه!

غريبه قلوب ما ترضى تعيش وتكشف المستور ؟

تخاف تعيش واقعها رغم ما الواقع تضمه..!!

واذا انت بخاطرك كلمه او ببالك سؤال يدور ؟؟

ابداً لا يشغلك قلب عشانك مات في همه!!

ما دام ان الوفا بين الحبايب ما خذا له دور !

يمووت الحب .. ؟؟ لعيون الفراق اللي هدر دمه !!

*******************************

الشـــاعـر :: شـــافــي السبيــــعي..