[الذاهبة]

اقتباس: الغساله تشبه فرن المخبز له باب مع الجنب

يبدو انها غسالة عادية .. يعني أنت تعبي الماء و تسبع الملابس و تنشفها بنفسك ..

ماعليه ..

أول شي ..

لا تجمع كل الملابس مع بعض ..

يعني البيض لحال و الملونة لحال ..

و الفنايل و السراويل ما تغسلهن مع الثياب ..

يفضل أنك تجمع الثياب لحالهن ..

و إذا حطيت ملابسك بالغسالة .. صب عليهن ماء لحد ما يغطيهن ..

و لا تكثر كمية الصابون عشان ما تجيك حساسية من ريحته القوية ..

يعني تقريباً ربع الكرتون الصغير ..

و إذا كانت ملابس داخلية عادي تضيف نقطتين كلوركس .. مو تكثر ..!!

أما الثوب فلا تغسله إلا بالتايد ..

اقتباس: اعرف مكيال النيل

النيل ما تحط منه إلا قليل مرة مرة مرة

سواء سايل أو جاف .. حاول تضيف نقطة وحدة و بس

لأنه لو كثرت بتخرب ملابسك ..!

اقتباس: وابي بعد اللي تحطونه بالعاده بالغساله ويخلي الملابس بهن ريحة شمبو

اسمه ( لينور ) أو ( كومفورت ) ..

تلاقيه مع الصابون و مواد النظافة ..

هذا تضيفه بعد ما تسبع ملابسك من الصابون ..

تضيف نقاط منه في الماء .. و تشطفهم زين ثم تنشفهم ..





ياربيه .. الله يعينك .. و الله ما اظنك تبي تصبر ..

شوف ترى الموضوع مرررررره سهل بس حاول تطبقه زين ..