ياشيخ لاتكمم الافواه ياشيخ لاتلطم بلطمة بعاير المنتدى وتقول لنا ممنوع طرح مثل هذه المواضيع ياشيخ لازم نمحط من الاتهامات ومن المواضيع اللي تثير التفرقة أسألك وجاوب بصراحة أنت مثلي توك تدري إن أهل الشقه والبصر والطرفيه والشماسية ينحتون أظن إنك كنت في السابق ماتدري لكن جزاه الله خير أحد كبار المنتدى ( كبير عند خوياه بس ) علمنا إن هناك شائعات واتهامات تطال تلك القرى بالنحاته ونقلها لنا مشكورا إلى المنتدى لنقد وطرح وجهات النظر !! ونقل القصص عن بعض أهالي تلك القرى ... والذي أجزم أنه لاهو ولا أجداده مروا على تلك المناطق أبدا أبدا فإذا كان عندك تهمة أو شائعة ياخوي عن فئة معينه من الناس أو عن قريه يتناقلها الركبان ومتداولة في المجتمع !! فامحطها هنا في المنتدى ( مافيه حد احسن من حد إلا بالتقوى ) واترك الأعضاء ينقدون تلك الشائعه أو الاتهام واتركهم يتبادلون وجهات النظر والقصص المفبركة عليهم يعني مثلا طنت براسك تجيب تهمة او شائعة متداولة عن فئة معينه من المجتمع مثلا الشائعة الرائجة في المجتمع عن تلك الفئة اللي تحب الرقص والهز والطرب !!! عادي امحطها هنا وخل نشوف بعض وجهات النظر ونقد تلك الظاهره السيئة عندهم مع ذكر بعض القصص والروايات اللي تفعلها تلك الفئه عند الرقص والهز !! ويمكن أحد الأعضاء يجيب لنا أدلة على ثبوت تلك التهمه مثل مقاطع فيديو واعترافات ناس من تلك الفئه بمزاولة الرقص والهز والطرب ولايهمك أو تتضايق لو كان فيه ردود متلطمة وتمارس تكميم الأفواه حول موضوعك فهؤلاء متعودين أنهم يكتبون عن برج بريده وعن الأناشيد والمواضيع اللي ماتقدم ولا تأخر في الأمه !! لايهمك كلامهم أبد ياخوي ولاتخاف إن موضوعك يحذفه أحد أو يقفله أحد المسؤلين فالمحترم جدا جدا مشرف القسم العام أحمد الروضان قال إنكم تستطيعون أن تكتبون ماتشاؤن مالم تخالفوا قوانين المنتدى ( طبعا عادي يغير رأيه بعد فترة ) !! وموضوعك هذا مثل أي موضوع يتكلم عن أهل الطوالع وعن النحاته في بعض القرى !!!! بس انتبه تقول بالموضوع إني اتهم تلك الفئه علشان لارد عليك أحد وقال ليش تتهم؟!! قله إثبت ذلك وقله أنا ( عبد ) فقير نقلت ماسمعته من بعض الناس عن تلك التهمة فهل هي صحيحة أم لا ؟!! مودتي لك واسف على كثر الهمق فهناك تهمه متداولة عننا باننا كثيروا الهمق والبربرة عادي اطرح التهمه اللي عننا فالمنتدى أصبح منتدى ابو ريالين... أي خرابيط براسك اكتبها !!! مواضيع المنتدى تذكرني بمواضيع المقدمه المصريه هاله سرحان ... فكل مواضيعها نقل اتهامات وماتحت السرة وفوق الركبه وعن الجن وأي شيء يطن براسها على بالها إنها تناقش مواضيع مهمه < ------ يتوقع أن رده يبي يحذف لانه مايجوز للشله اللي صايره خصم وحكم هنا اللي مايحررون إلا على اللي ضدهم بالأراء !!! ياناس هماكم تقولون حرية رأي وإنكم ماتحبون اللطم ... اتركوا الرد أجل وإذا عدلتوا الرد قولوا السبب لنا علشان نقدر نرد عليكم !! مودتي للجميع