السلام عليكم ورحمة الله وبركاااته اهلا بكم اخواني واخواتي اعضاء منسوبي إدارة بريدة حيا الله الاجودي كيف الحال يا شباب طبعا الكل يبي يكتب موضوع ويبغى يصير مميز بيننا وكلنا يبغى تكون عنده ر ود شي كثيره لذا قررت اني اكتب موضوع لكم ممكن تستفيدون منه وتصبحون كتاب بدل من نقال مواضيع 1- طبعا اسهل شي انك تنقل موضوع نصيا من موقع او ايميل ولكن الفشيله انه اذا ما قلت وين الموضوع منه ممكن احد الاعضاء يفضحك عشان كذا لا تتعب نفسك وتنقل مواضيع الا اذا قلبت الحال وقلت انه منقول من المحل الفلاني بس برضه كذا ما استفدت شي :sigh: الكل يعرف انك ناقله فالحل انه اذا نقلت موضوع انك تبدي انت رايك الشخصي به وتحط تحليلك الخاص كي تبين للناس ان الموضوع مهم وانك فاهم وش انت ناقله وكذا تطلع ناقد شي 2- اذا ما تبي هالشي وانا ما صرت احبه النقل وكرهت شي اسمه نقل فصرت اسوي شي ثاني :cool انا ما ني كاتب ممتاز زي بعض الاعضاء ولا ان مواضيعي فيها ردود بالعشرات بس الحمد لله كل ما اكتب موضوع واشوف رد او ردين فيه انبسط لان فيه ناس قرو تعبي وردو عليه حتى ولو كانت شكرا فهذا يحمسني كثير للكتابه والردود بالاعتماد على مخي فكيف بديت اكتب مواضيع تراها سهله وما يبغالها شي -اولا كاسة شاهي او قهوه او عصير اي شي يصحصح راسي للي ما يعرف الشاه ينظر الى الصوره ادناه -اجيب ورقه بيضا -قلم يكتب وبعد ما تشرب الالشاهي او القهوه او اي شي انت طلبته اجلس على طاااوله وابدا اكتب وشخبط لين ما تطلع لك فكره ملاحظه : لا عمرك تستخف في اي فكره انت كاتبها اكتب اللي تبيه بس ما يخرج عن الادب هذا الاهم :cool وابدا فكر واكتب جمله او جملتين او حتى اكتب اي سالفه مرت عليك بس الاهم تكون بكلماتك الخاصه او حتى اكذب او تخيل بس مو معناها تقول كذبه واننا لازم نصدقها لا قول انها كذبه او اي شي بس حاول انك تبدع في الكتابه