يا بارق المحبوب من بارق سهيل
لي لاحت الأنوار في مد مسعاه
يا لهفه المشتاق أضنتك بالحيل
لهفة فواد محبّك اللي تمناه
ترجي وصال العمر والعمر كالسيل
يجرف رجا الامال والدرب مجراه
ياما سمرنا والسهر دله وهيل
والشعر سيّد جلسة الود ودواه
لك نظرةٍ بالناس ما عمرها تخيل
شافت بي الأشعار من دون تقراه
ودمعٍ توارى مستحي خلف منديل
ما حد فسّر خفْيَه ورام معناه
غيرك حياتي...!!! ما لقى القلب تحليل
للحال ... وانْشِد خاطري سر بلواه
لا تستمع للقول واقرا به القيل
علّك تلاقي بينه أسباب فرقاه
بعضه عليل وبعضه سراج قنديل
يضويك ضيّه لا ضوى الحب مسراه
تفداك ذات الخل هو كله حليل
لك سيدي والحال يفديك بمناه
ليت الزمان يروف لو لحظه يميل
واوازي بك المسير واخطي بك خطاه
واجدده من دون تقديم تعليل
عهد الوفا والقاه واصون ذكراه