[نبض القلـم]

كنت قد وعدت باستكمال ما كتبت عن موضوع ( الهدر ) ومعاكسة تيار الوزارة ..

وهاأنا أفي بما وعدتكم به ....



موضوعي الثاني يتعلق بقسم اسمه رعاية الموهوبات ..

هذا القسم له سنوات يعمل منذ انشائه .. فمالذي انتجه ؟؟؟ وما أثره على الميدان ؟؟؟؟؟


بكل أسف : لا شيئ !!!!!!

مجرد هدر بلا فائدة ولا قيمة ..


وتعالوا نحسبها مع بعض على الواقع ...

تم افتتاح هذا القسم من عدة سنوات فوش وصل المدارس من أمور تخصه ؟؟؟

أمرين فقط لا أكثر !!!! وكلهن للأسف ما أبطن !!!! يعني له سنيييييييين على بطالي !!! ثم طلعت لنا منه بيضتين للديك !!!!!

بيضة الديك الاولى :

تعميم يقول احصروا لنا الطالبات الموهوبات بثاني ثانوي ( ما ادري وش سبب تحديد المرحلة عاد .. بس اسألوهم !!! يمكن به دراسة تقول ان الموهبة ما تطلع الا عند ثاني !!! كلش يصير !!! ) ..

وقامت المدارس بالحصر والارسال للقسم بالقوائم الطويلة بأسماء الطالبات الموهوبات ...

طيب وبعدين ؟؟

جمعوهن بمدرسة بيوم من الايام مع مرشداتهن وقالوا نبي نسوي لكن اختبار نشوف موهبتكن هي على اصول وسنع والا لا !!!

وتم اختبارهن جميع ...

طيب وبعدين ؟؟


ولا قبلين يا نبض القلم !!! الي صار باختصار ( س .. هـ .. ج ) !!!!

يعني ايش طيب ؟؟؟

يعني أحد أمرين يالربع :

اما ان مدارسنا ما فيها موهوبات اطلاقا .. وان الي راحن يختبرن مواهبهن طلعت خرطي وما عندهن ما عند جدتي حصيصة !!!!

أو ان القسم ما عنده سالفة وما غير يطبق امور هو نفسه ما يعرفه ولا يدري وش يسوى بها !!! بس قال وين تبون , قال معكم يالربع !!!!
يعني مع الخيل يا شقرى !! وما فيش حد أحسن من حد !!! وش حيث المناطق الثانية عندهم رعاية موهوبات وحنا لا ؟؟؟!!!!

المشكلة المضحكة المبكية ان البنات الي اختبروهن وصلن الحين للكلية , ونتايج اختبارهم ما طلعت !!!!!!!

يعني لو طلعت النتايج وثبت شرعا وقانونا انهن موهوبات مهب يكلكن علينا !!! طيب وشلون تترعونهن وهن طلعن من دبرتكم ومن مدارسكم ؟؟؟؟؟

والأهم من ذلك انهن تعدن ثاني ثانوي الي كان القسم مشترطة بترشيح الموهوبات !!!!!!!!!!!



حراااااام والله حرااااااام تكسحون هالبنيات وتشفون بهن وتكسرون خواطرهن وهن في منتهى الابداع والمواهب حتى انهن يوم سهجن شكن هن بمواهبهن وانهن مهب لم جادة !!!!

ما درن ان العلة بالقسم مهيب بهن هن !!!!!!!



أما بيضة الديك الثانية :

فهي تعميم يطلب ترشيح معلمات يفرغن في المدارس لرعاية الموهوبات !!!!!!

حسبي الله على ابليس !!!

الحين انتم اعترفتوا بهن وبمواهبهن أصلا حتى تطلبون من يرعاهن ؟؟؟؟؟

وبعدين وشي آلية الرعاية بالضبط ؟؟ ليه ما ذكرت بالتعميم أو حتى جاء تعميم مستقل مفصل عن طبيعة الرعاية وخطتها وكيف تكون ؟؟؟؟

والأهم من هذا وذاك هو كيف تفرغون معلمة لهالشغلة والحاجة في الميدان ماسة جدا للمعلمات ؟؟؟؟؟

صحيح مكتوب ( ما أمكن ) ( هذي جاية استدراك بقلم بخط اليد من شخص فرعوني خبير بالنفسيات الهلكانة الي تدور بصيص أمل ينقذها ) !!!!

وكلمة ( التفريغ ) كأنها طعم تصيدون به هالضعيفات المضغوطات المخنوقات بالحصص !!!! وهو لا تفريغ ولا يحزنون ... بس اللهم تبون تورون الادارة انكم تشتغلون ومو بطالية !!!! حتى لو كان الامر مجرد تعاميم على ورق بس !!!!!


والا لو كان الامر صحيح والعمل حقيقي كان شفنا أثره بالميدان !!! مو تنزلون تعميم بـ ( اعتماد ) المرشحات لرعاية الموهوبات في المدارس الي رشحت لكم وبس !!!!!

ثم تسهجونهن زي ما سهجتوا طالبات ثاني ثانوي الي يبن يتخرجن من الكلية ما يبطن وانتم ما ناظرتوهن !!!!!


وكله كوم .. واعتماد الترشيح بدون مقابلة ولا اختبار ولا أي شي يثبت قدرات المرشحة على مهمات الوظيفة , كوم ثاني !!!!!!

هو سلق بيض يعني والا وشو ؟؟؟؟



يا ناس .. يا عالم ... يا هووووه :


بالعقل والمنطق تجي ذي ؟؟؟ اننا نسوي اختبار نتأكد فيه من قدرات الطالبة وموهبتها .. ولا نسوي أي اختبار ولا حتى مقابلة أو طلة على الكشرة على أضعف الايمان !! حتى نتأكد من مدى ( قدرة وكفاءة ) المرشحة على القيام بأعمالها ؟؟؟؟؟؟؟؟؟؟

بذمتكم تجي ذي ؟؟؟؟

انتم مثل الي يفتح مدرسة خاصة بالمتفوقين فقط .. ولا يقبلهم الا بعد اختبارات كفاءه وقدرات ومعدلات وبلا وجلى .... ثم يجيب لهم مدرسين من فئة ( المتردية والنطيحة وما أكل السبع ) بدون أي اشتراطات أو احترازات !!! او حتى اختبارات !!!!!!


وبعدين اصلا الموهوبات بالمدارس تتم رعايتهن من موظفتين موب وحدة .. هذا على أرض الواقع ..

فعندنا المرشدة الطلابية عندها شي اسمه رعاية الموهوبات ومتابعتهن ..

ورائدة النشاط توجههن للأنشطة الي تتفق مه مواهبهن ..


فلماذا الهدر في إنشاء قسم مستقل غير مؤهل ولا متخصص وفوق ذلك لا يعمل , لرعاية الموهوبات ؟؟؟
ولماذا الهدر في ترشيح موظفات قد عمل غيرهن بعملهن من قبل الترشيح الذي تم أصلا بدون أي ضوابط ؟؟؟؟؟؟؟؟؟؟؟؟؟؟؟؟