[نبض القلـم]

اقتباس:  المشاركة الأصلية كتبت بواسطة for you     لا ادري حقيقة لماذا هذا الدفاع المستميت من البعض ضد القرار الحكيم الذي سوف تتخذه ادارة المنتدى بمراقبة الرسائل الخاصه ..؟! أجل قرار حكيم يا فور يو ؟؟؟؟؟ ماتبي عونة وفزعة بعد بالمفردات المادحة الي تطيّر هالقرار للسماء وتسفّه آراء الي يعارضونه ؟؟؟؟؟ تري كيبوردي سداد يا فور يو .. واخوك ما يقصر .. فلا يردك غير ماوسك !!!!!! هذا القرار تتخذه بعض المنتديات دون اعلام اعضائها , و نحن هُنا في هذا المنتدى الراقي بإدارته الواعيه الرزينه تطرح هذا القرار على رؤوس الأشهاد وتقول لكم ما رأيكم ..؟ طيب هاك المنتيات الي ما حددتها ولا سميتها ولا حتى تقدر !! لاصارت نذلة وحقيرة وخاينة للأمانة ومستغفلة لأعضائها ... ولا صرتوا أنتم زيها مثل ما تقول .. لكم حق تجون تمنون علينا بشئ كل المنتديات المحترمة تسويه ؟؟؟ لكم حق تستكثرونه على أعضاؤكم وتجون تشبنونه وتعيدون تفصاله بدون آرائنا حنا ؟؟؟؟ أي منتدى يحترم أعضاءه ياخذ بآراءهم موب يسفههم ولا يحط لهم أي اعتبار !!! تطبق مبدأ , و امرهم شورى بينهم و لا تطبق مبدأ , ما اريكم إلا ما ارى وما اهديكم الا سبيل الرشاد ... وينه ذا المبدأ ؟؟؟؟ ترى الدعوى موب شعارات تترد وبس ؟؟؟ هذي تذكرني بالوحات الي فيها ميزان وآيات بالمحاكم الي حكما وضعي موب شرعي !!!!! الشورى ماتكون بانكم ترسلون رسائل خاصة لجميع الاعضاء بس تبلغونهم بتطبيق القرار وبموعده !!!! الشورى ما تكون بانكم تفتحون موضوع لنا تناقشون القرار وأنتم تسفهون آراءنا و تتعمدون ( تتعامون وتغمضون عيونكم عصب ) عن الآراء الي طرحها الأعضاء للي تسمونها مشكلة !!!!!!!! الشورى ما تكون بانكم تقولون هاتوا الي عندكم وتطبقون قراركم من ورى خشومنا !!!! الشورى ما تكون بانكم تحتجون بأهمية تطبيق القرار بالعضوات الي تركن المنتدى ... بينما تتجاهلون ( عمدا ) الأعضاء والعضوات الي يبون يتركون المنتدى بسبب ( تطبيق ) هالقرار !!!!!!! والا أحد أغلى عليكم من أحد ؟؟؟؟؟؟ نبي معيار يوضح ويحدد ويشرح ويفصل : ورى ذولي لهن أهمية ... وذولا لا ؟؟؟ وبكل بساطة يقال لهم : مع السلامة توكلوا على الله ؟؟؟؟؟؟؟؟؟ هذه الخطوه بحد ذاتها يشكرون عليها ايما شكر , ولم اقرأ من خلال تواجدي و تصفحي الشبكه العنكبوتيه منذ سنين مثل هذا الموضوع في اي منتدى ... أكيد ما قريت ولا راح تقرأ !!! لأنه ما يجي لا بالعقل ولا بالمنطق رسائل خاصة يتفرجون عليها الادارة !!!! عدد اعضاء المنتدى بالآلاف وهل ممكن لشخصين من إدارة المنتدى ( عبدالله الحلوه + الزعيم ) بإمكانهم مراقبة جميع الرسائل الخاصه لكل الأعضاء ..؟ هذا مستحيل جدا ... مو تسنك هنا تشحذهم يدخلونك معكم تعاونهم عازفا على أوتار التعب والاستحالة ؟؟؟؟؟!!!!! كل ما في الأمر على حسب توقعي ان أي شكوى مقدمه لإدارة المنتدى ضد عضو مزعج او سخيف او عضوه مزعجه و سخيفه , سيتم التشييك على صندوقه للتأكد , و اعتقد ان مراقبة الرسائل للأعضاء سوف لن يتم اعتباطا او بطريقه عشوائيه , ادارة المنتدى ارقى من ذلك بكثير أحسبهم كذلك والله حسيبهم ... طيب قلنا لكم الي يشتكي من إزعاج يعطيكم معرفه ورقم دخوله وادخلوا على رسايله هو وتأكدوا !!!! مو تدخلون على كل الاعضاء عشان واحد ما وده يعطيكم رقمه الخاص وله وجه يشتكي بعد ؟؟؟؟؟!!!!!!! البعض يتعذر بعدم قبوله هذا القرار , بأن اسمها خاص , نعم هي كذلك خاص ولكن متعلقه بالمنتدى وكل ما يدور فيه , و ما وجد هذا الخاص في المنتدى الا لخدمة المنتدى نفسه والا ما الفائده منه ... طيب ما جاوبتوني : وشوله الخاص حق المشرفين ؟؟؟؟ ورى ما تخلوننا ندخله زيكم ؟؟؟؟ مو هو بعد ما حط الا لخدمة المنتدى ؟؟؟ والا أنا غلطان ؟؟؟؟؟ و اذا كان بعض الأعضاء يتعذر بأنه تصله رسائل خاصه غير متعلقه بالمنتدى ولا يرغب لأحد الإطلاع عليها , اقول له يا اخي هُناك وسائل اخرى ممكن ان تتلقى رسائلك الغير متعلقه بالمنتدى , ما سنجر , بريد الكتروني .... عارفين انه فيه ايميل وفيه ماسنجر .. بس بعد ما نبيكم تفرضون علينا شي حنا ما قتنعنا به !!!! يا اخوان يا احباب هل تعلمون ان بعض اخواتنا الفاضلات هجرن المنتديات بسبب بعض الأعضاء الوسخين ... ترد عليه احداهن فيعتقد انها معجبه به ويأخذ يمطرها بالخاص ويزعجها ... ما قلنا مئة مرة : وشوله ترد عليه ؟؟ تسفهه أحسن !! والا تحطه بقائمة التجاهل !!! وبعد قلنا ورى الي هجرن المنتدى والي اهجروه بسبب هالقرار ما التفتوا لهم ؟؟؟؟؟ مو كلهم أعضاء فاضلين وعضوات فاضلات ؟؟؟ ما فيش حد أحسن من حد !!!!! كلي رجاء وأمل من إخواننا الأفاضل ان ينظروا للقرار من جميع زواياه وجوانبه ومن جميع فوائده وسلبياته ناظرناه .. وقلّبناه وعجناه وخبزناه .. وبرضه ما نبيه !! و اعتقد ان هناك سلبيات فيه ولا شك ولكن اذا قارنا السلبيات مع الإجابيات فسوف نلاحظ من وجهة نظري ان الإجابيات تفوق السلبيات بمراحل ... أنت قلتها ( من وجهة نظرك ) <<<< يعني أنت مو كلنا !!!! والا وجهة نظرك لها قيمة وحنا لا ؟؟؟؟!!! مما سبق اكرر و اقول مراقبة الرسائل الخاصه قرار حكيم و صائب ... مهوب صحيح ولاهيب لم جادة !!! وبرضه ذي وجهة نظرك أنت لا تفرها علينا !!! ____________ االأخ نبض القلم ارجوا ان تترفع عن اطلاق الأوصاف و الأحكام الغير لائقه على مخالفيك ... عفوا .. وشي الأوصاف غير اللائقة ؟؟؟ ما شفت نفسي ابتديت بالسب ووصفت غيري بالغباء وأنا أقول : ( أليس من الغباء أن ..... ) !!!! كل الي صدر من أني أحاوركم واناقشكم وادافع عن رأيي .. والا ذولي بعد صارن من محضورات المنتدى ؟؟؟؟ والا لازم أوافق وأطبل وأمدح كل قراراتكم حتى اكون برأيكم عضو مثالي ؟؟؟؟ معليش يا فور يو .. نبض القلم ما يكون اسم على مسمى ان ما عبر بحرية وبدون مجاملة ومداهنة وتصنع أو حتى ( تقرّب ) !!! _________ دام الجميع بخير وصحه وعافيه ... ومن قال .. <<<< شفت اني حبيّب ولا اشيل بقلبي !! بس الي يهاوشني من غير وجه حق يا ويله !!!!!!

برضه مستحيل أقول للي يخالف قناعاتي واحترامي لذاتي : أتشــــــــاااااا !!!!!