[نبض القلـم]

اقتباس:  المشاركة الأصلية كتبت بواسطة برق1     الغالي نبض القلم : أنا متابع للحوار مثلما تعرف و الذي أراه أنك أنت والمشرفين متفقون ( من زمااااان ) على وجهة نظر واحدة ! لكن الذي عجزت أ علمه : كيف أنك لم تشعر أنكم متفقون حتى الآن؟ ألست ترى ان الهاك أمر غير مرغوب فيه لكونه يمكن المشرفين من الاطلاع على رسائل الأعضاء الخاصة ؟ والمشرفون يرون الرأي ذاته ! فهم كلما ردوا عليك قالوا ما يفيد : ماشي هو أمر غير مرغوب , لكنه ضرورة إلا أن نجد حلا غيره إذن هذا متفق عليه من ( مبطي ) وأنت تريد ألا يركّب الهاك . والمشرفون قالوا لك بأنهم توقفوا عن تركيبه حتى يروا ما ينتج عن هذا الحوار من حلول بديلة فعالة فقد وافقوك أيضا بالتوقف عن تركيبه المطلوب في نظرك هو البحث عن طريقة بديلة للهاك ( يمكن كذا رأيك ) والمشرفون معك صبح مساء ( يدورون ) عن حل بديل , ويقولون لك ولنا جميعا : يا جماعة شوفو لنا حل غير الهاك هذي مسألة ثالثة أظنها محل اتفاق طيب : قل لي ( وين ) الخلاف ؟! شف يا برق : أنا اعلمك وين الخلاف به .. اولا : مسألة انهم يقولون عطونا حلول , هم فعلا يقولون .. بس وش لنا حنا بالاقوال إذا جت سيرة الافعال وشفناهم شبه جازمين على قرارهم ؟؟؟ يعني نجيب حلول فيقول لنا واحد حلولكم زينة وبنجربها , ويقول لنا الثاني هالحل مستحيل نجربه ولا يصلح لنا أبد ,, ثم يجمعون بعد تصريحاتهم الاولى على ان الهاك ضروري وانه الى الآن ماجاهم الحل البديل من غير ما يعلموننا ليه كنسلوا حلولنا الي كانت عاجبة نصهم ورافضها النص الثاني !!! رغم انهم يعتبرون جهة واحدة !!!<<<< ما ادري وشلون تجي ذي ؟؟ الا ان قلنا فولة وانقسمت نصين !! بس كروموسومات كل نص تختلف عن الثاني !!!! الخلاصة أنت تسأل عن موضع الخلاف .. وأنا اختصره لك بالآتي : 1- هل قرار الهاك منتهي والا لا .. ان قلت لي لا , انه موقف أبسألك وأقول : أجل ورى الزعيم يقول جربنا كل السفن الي قلت عنه ولقيناها ما تنفع !! اذا لم يكن الا الاسنة مركب ** فما حيلة المظطر الا ركوبها !!! يعني وش تفهم من كلام الزعيم ؟؟ جربوا الحلول والا لا ؟؟ قرروا والا للحين ما توصلوا لقرار ؟؟؟ النتيجة : القرار مستوي !!! 2- لو فرضنا ان القرار ما طلع للحين .. وان باب الحلول مازال مفتوح <<<< الله يستر لا تنطل براميل الغاز وحنا لاهين باللقيمات والسنبوسا !!!! لو فرضنا هالكلام , طيب ليه ما يعلموننا بـ ( أسباب ) استبعاد حلولنا الاولى من التطبيق ؟؟؟؟؟ حتى نفكر ندور لهم حلول ثانية !!!! مو من حقنا عليهم هالشي حتى نقتنع ان الموضوع فعلا مو مبيت ومنوي من الاساس ؟؟؟؟؟ 3- فيه حلول زينة وردت أثناء الحوار لكن ما علقوا عليها أبد لا بالايجاب ولا بالسلب !!! مثل سالفة تحويل الرسالة .. أو سالفة تعطيل خاصية استقبال الرسائل من المنزعجين .. وغيرها من الحلول ..... تركوها تروح بصفحات الموضوع وتنطوي وهم مستمرين على نفس تعليقاتهم الاولى : اننا مضطرين للهاك !!! وان كل الحلول الي طرحت ما صلحت لحد الآن !! وان وان .... وش تسمى ذا ؟؟؟ هذي هي زبدة الخلاف .. فشف لها حل وجواب يا برق .. الذي أراه يا نبض أنك انصرفت قليلا عن أصل الموضوع , بحيث صرت تتحدث عن صواب أو خطأ مداخلات المشرفين والأعضاء هنا , وهذا الأمر لو صار محل اختلاف فإنه لا يغير من الموضوع شيء , فلا يتقدم معه الحوار خطوة للأمام , بل يظل الحوار مكانه , دائرا حول نقطة واحدة هي : أنت أخطأت , وأنت قصدت كذا أنا ما أخطأت أنا ماقصدت كذا بينما الزبدة التي اتفقتم عليها هي أن تركيب الهاك أمر لا تحبه أنت ولا المشرفين ابتداءً, لكنه بنظر المشرفين ضرورة إن لم يوجد حل غيره ولهذا لا تنس كون أبي فهد ذكر أنهم أعجبتهم بعض الاقتراحات وأنهم الآن بدؤوا العمل بها لتجريب جدواها فبناء على هذا , بدل أن نتعب أنفسنا بخلافات جانبية , علينا أن : 1- نتعاون في طرح ما نستطيع من حلول , مهما كثرت وتنوعت 2- انتظار نتيجة تجريب الطرق التي ذكر أبو فهد أنهم الآن يجربونها هذا رأيي , فما رأيك أنت ؟ رأيي أنا ان الي يداخل بهالموضوع كائنا من كان يا يصير قد المداخلة وتكون آراؤه نابعة فعلا من اعتقاده .. يا لا يداخل ويوهق نفسه !!! لأن سياسة ( اغلبوهم بالصوت ) ما تمشي معي !!! أما اننا نتعاون في ايجاد حلول أخرى فهلى العين والراس بس مهب قبل ما نعرف ( ليــــــــــــه ) كنسلت الآراء السابقة ( على وجاهتها وعقلانيتها ومنطقيتها وواقعيتها ) !!!!! حتى بس نحس ان الامر فعلا حقيقي وليس مجرد تفريغ طاقة بس على خالي بلاش !!!! واذا كانوا فعلا الحين قاعدين يجربون الحلول السابقة وناوين يعلموننا بالتفاصيل المملة عن نتائجها .. فالمفروض يتفقون على ( هرج موحد ) و ( قبول أو رفض موحد ) للحلول المطروحة .. بدون ما يتسابقون على اصدار تصاريح وبيانات متباينة تنبي عن حسم الموضوع بولادة مبتسرة !!!!! .

أقدر لك أخي برق اسهامك الرائع في لملمة أطراف هذا الموضوع وتداعياته .. ومحاولة رأب الصدع .. وترميم ما تهدم من بنيان في العلائق !!! جعل الله ذلك في ميزان اعمالك يوم تلقاه ..