[نقد التعليم]

[align=center]

3- هدايا الأطفال
هدايا الاطفال متنوعة ومتعددة ومتوفرة اشكال والوان ( وهذي المفروض يترك المجال فيها لكل من يريد المشاركة من افراد العائلة )
وبرضه لاتنسون الطرابيش والتيشرتات المطبوع عليها صور البزران مع عبارات خاصة بالعيد
ولاتحقرون الشغالات ترى بعضهن فنانات يطلع منهن حركتاااات خطيرة !
وبعض الناس يسوون الهدايا بيدهم ( من باب التفنن ) وبعضهم يشتريها جاهزة من محلات الهدايا

وراح احط هنا ( هديتين ) وطريقة عملها ( لقيتها بالنت ) لعل احد يستفيد منها



الادوات الازمة:
1- فناجيل قهوة المصنوعة من النايلون
2- حلاو عود نوع صغير
3-حلويات صغيرة عدد بسيط
4- قماش الشالكي و قطع من الملافع الاسود( شيلة من القطن )اسهل للاستخدام
5- شماغ احمر لعمل الرجال
6- شريط لاصق شفاف
7- غراء حراري
الطريقة:
ادخلي حلوى العود بالفنجال بحيث يكون راس الحلاوة الى اعلى والفنجال مقلوب
ثم البسي الجسم الشيلة والصقيها بالشمع الحراري
ثم البسي باقي الجسد القماش الشالكي
واقلبي الدمية وضعي في داخلها الحلوى الصغيرة والصقيها بالشريط الاصق
اما الشكل الرجالي فيلبس الشماغ .


وطريقة عمل الفانوس موجودة بالمرفقات ( جاهز بس يقص ويلصق ويعبأ )

كذلك مجموعة افكار للهدايا ( عملية ) سهلة التنفيذ << منيب احب الصعبة واللي تحتاج لمتخصصة ( فنية ) لتنفيذها











برضه في اشكال والوان لعلب الهدايا ( بالمحلات المتخصصة )

ايضاً من الافكار .............

اقتباس: أنا العام الماضي وزعت العيدية للأطفال والإهداء من عيالي : شريت القفازات المطاط من الصيدلية (( مو من أبو ريالين )) للأنها ماتنفع للنفخ وحشينا الأصابع من الحلاو الألوان زي (إم آند إمز) بس بالكيلو, بعدين بالكف حطينا البطاطس وباقي الهدايا ونفخناها وربطناها , الصراحة كان شكلها مميز بين الهدايا ,, لا وبعد حطينا مناكير على أصابع القفاز لتوزيعات البنات ..

هذي فكرة جديدة بس مدري ليش ماخشت مزاجي
( عموما راح اجرب اسوي وحدة واشوف وش يصير شكلها ) !

اقتباس: ومن الأفكار اللي عندي نلبس بنات قماش شالكي ونقوم نلصق عليه حلويات من قدام ومن وراء ونخليها تدور على الحريم ( صينيه تقديم متحركه ) ..

هذي نفذناها العام الماضي ( للبزران طبعاً ) والبنت أم الحلاو ( بالمتوسط ) وطلعت قشرا وتهاوشت مع البزران وبدت تراكض وتهج بالحلاو واخرتها فلقوها بالحصى << الله من زين العيد

اقتباس: بصراحة افكركم حلوة وراح اضيف من افكارنا للكبار العام اشتريت ثلاث هدايا وغلفتها وحطيت كل هديه في كيس اوكي وبعدين وقبل يتقهوون رحت وعلمت على 3 فناجيل من تحت ولخبطتها مع باقي الفاناجيل وجو يصبون الحريم قلت لهم اللي تشرب فنجالها وتلقى تحته علامه لها هديه من هالثلاث راحو شربو بسرعة وقعدوا يدورون في فناجيلهم واخذو الهدايا اللي معلمة فناجيلهم وصراحة كانت ممتعه

هذي الفكرة زينة وراح نطبقها هالسنة وتكون للحريم .


بررررررررب ( أذن المغرب ) .......... ( ويمكن مايتبع )



[/align]